Turkiako fiskal buruak HDP Herrien Alderdi Demokratikoa ilegalizatzeko eta haren ondasunak konfiskatzeko eskaria egin dio Konstituzio epaitegiari, eta alderdia legez kanpo utzi ala ez erabakitzeko auziari bide eman dio epaitegiak.
Ondasunak konfiskatzeko eskaera ezeztatu du, baina fiskalak 451 pertsonen aurka aurkeztutako debeku politikoa auzitara eramatea onartu du, ANF agentzia kurduak informatu duenez. HDP eta PKK lotu ditu fiskalak bere akusazioan, alderdiko hainbat kideren adierazpenak eta sare sozialetan idatzi dituztenak froga gisa aurkeztuz.
Orain HDP alderdi kurduko kargu publikoek beren burua defendatu beharko dute, epaitegiak deitzen dituenean. Fiskalak ere deklaratuko du, eta 15 kidez osatutako epaimahaiak hartuko du azken erabakia (15 horietatik 10 kideren botoa behar da alderdia debekatzeko). Epaitegiaren erabakia gainera behin betikoa izango da, eta Europako Giza Eskubideen Epaitegiak ezingo du atzera bota.
HDPko ordezkari Tayyip Temel and Murat Sar?saç-ek prentsari adierazi diote Erdoganen gobernuak ez duela lortuko HDP desagerrarazteak ilegalizazioak edo Izmir-go egoitzako erasoak bezalakoekin. Bide horretatik gatazka politikoan sakontzen ari direla jakinarazi dute.
Temelek adierazi du ehunka abokatu daudela HDP defendatzeko prest ilegalizazio saiakera honen aurrean eta prozesu honek erakusten duela Turkiako gobernuak ezin duela HDP jasan esfera politikoan.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]