Udazkenerako iragarri du protokoloa EAEko Arartekoak, Eusko Legebiltzarrean 2018ko txostena aurkezteko egin duen agerraldian: helburua, administrazioen erantzuna koordinatzea haurren kontrako sexu gehiegikeri kasuak prebenitu, antzeman, biktimak artatu, erasotzaileak zigortu eta delitu hauek argitara emateko.
EAEn ez dago gai honi loturiko protokolorik eta hezkuntza, osasuna, justizia eta gizarte zerbitzuak koordinatuko dituzten mekanismoak martxan jarri nahi dituzte, Manuel Lezertua Arartekoak azaldu duenez. Sexu abusu kasu gehienak ez direla azalera ateratzen eta familia barruan ematen direla gaineratu du.
Argian jorratu genuen gaia, Umeen aurkako indarkeria. Familia, isiltasun gotorleku erreportajean.
Eskubide sozialak, kexa-espedienteen jomuga
Bestalde, Lezertuak aurkeztu duen 2018ko txostenaren arabera, Lanbideren funtzionamenduaz kexa ugari jaso zituen Arartekoak, zehazki diru-sarrerak bermatzeko errenta eta etxebizitzarako prestazio osagarria kudeatzerakoan Lanbidek egindako jarduerei lotuta. Hala ere, 2017an baino kexa gutxiago izan ziren.
Arartekoak bideratu zituen kexa-espedienteetatik %55ek baino gehiagok eskubide sozialekin zuten lotura. Sarri, denon berdintasuna bermatzeko politika publikoekin zuten zerikusia, eskubide hori lortzeko emakumeek, adinekoek, ume eta nerabeek, desgaituek, LGTB pertsonek, etorkinek, ijitoek… izandako oztopo eta eragozpenekin, txostenean zehazten denez.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.