Ustez hartzak hil dituen ardien gorpuak utzi dituzte Baionako suprefeturaren atarian, protesta moduan

  • ELB Euskal Laborarien sindikatuak dozenaka ardien heriotza salatu du Baionako suprefeturaren parean; hartzak hil dituela uste dute, eta neurriak hartzea eskatu diete instituzioei.

Ardiak errepide erdian. Argazkia: Euskal Irratiak.

Astelehenean goizean goiz eman zuten nekazariek gauean haien ardiak erasotuak izan zirenaren abisua; hartz batek hamabost ardi hil zituen, eta beste hainbat zauritu. Bunuze eta Jutsikoak (Nafarroa Beherea) ziren artzainak, eta haien ardiak Cauteretsen (Okzitania) izan ziren erasotuak.

"Mila ardietarik 630 bildu ditugu. 50 bat hilak dira, ehun bat zaurituak, eta oraindik 300 falta ditugu" adierazi du Paxkal Harizpuru kaltetutako artzainak. Horrez gain, beste hainbat ardi sakrifikatu egin behar izan dituzte, zaurien larritasuna dela eta. Astelehen goizean Pirinio Atlantikoetako suprefeturak helikoptero bat bidali zuen galdutako ardiak bilatzeko, baina laborariek uste dute neurri gehiago hartu behar direla. Hau dela eta, 150 abeltzain inguru elkartu ziren Baionan, suprefeturaren atarian, eta hildako ardien gorpuak errepidean botata utzi dituzte protesta gisa.

Pirinio Atlantikoetako suprefetura seguru da “harrapari” baten erasoa izan dela, baina artzainek argi dute hartz bat izan dela erasotzailea. Ardiak errepide erdian uztearen harira, ondorengoa adierazi du Paxkal Harizpuru kaltetutako artzainak: “Jendeari erakutsi nahi diogu zer demasia izaten ahal den”.

 


Kanal honetatik interesatuko zaizu: Abeltzaintza
Caparrosoko makroetxaldean ingurumen-delituen aztarnak aurkitu ditu Tafallako Epaitegiak

Ikerketaren zantzuak aintzat hartuta errudunak epaitu eta kalte-ordaina ezarri dezan eskatu diote Nafarroako Gobernuari Sustrai Fundazioak eta Greenpeacek. "Babes bereziko eremu bat kaltetu zuten isurketek", eta hartara, "ingurumen delitu" kontsideratzen... [+]


2024-01-18 | ARGIA
Nafarroako Gobernuak Baztango Erdiz inguruan magnesita meategia eraikitzeko plana onartu du

Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.


Eguneraketa berriak daude