Haranburuk kargurako gaitasuna baduela aitortu du Jose Luis Mendoza Nafarroako hezkuntza sailburuak, baina ETAkoa izateagatik zigortu zutela jakitean sailaren konfiantza galdu zuela.
Horixe da Mendozak Nafarroako Gobernua babesten duten lau alderdien jarraipen batzordeari adierazi ziona. EH Bilduk eskatuta, ostegun goizean bildu zen batzordea Imanol Haranbururen auzia aztertzeko. Haranburu hilaren 9an izendatu zuten Nafarroako Hizkuntza Eskoletako Bulegoko buru eta, UPNk eta Espainiako prentsa eskuindarrak etakide izana leporatuta espetxean izan zela jakinarazi ondoren, egun horretan bertan izendapena atzera bota zuen Hezkuntza Sailak.
Jarraipen batzordean adostutakoaren arabera, gisa honetako karguak aurrerantzean meritu eta gaitasun lehiaketa baten bidez hautatuko dira. Haranbururi orain kendu zaion kargua izango da era honetan hautatuko den lehena.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Miravalles-Redin eta Irabia-Izaga ikastetxeek 1965az geroztik dauzkate ikasleak banatuta.