Hambacheko basoa husteko saiakeran ari da Alemaniako polizia
aurre egingo dieten hedabide independenteak
Ehundaka polizia agente gerturatu dira asteazkenean, irailak 5, Kolonia eta Akisgranen (Alemania) artean dagoen Hambacheko hariztira. Basoa hustu asmoz martxan jarritako operazio polizialari aurre egiten ari dira hainbat ekintzaile, eremua defendatzeko helburuarekin okupatuta baitago hariztia 2012 urtetik. Urtero egiten dituzte zuhaitz mozketak Hambacheko basoan, baina aurtengo planak okupatutako baso eremuaren gehiengoan esku-hartzea aurreikusten du.
Arnsberg (Alemania) barrutiko gobernuak Hambacheko meategiko plan operatibo nagusia onartu izanak alarmak piztu zituen ekintzaile ekologisten artean, planak ahalbidetu egiten baitio RWE enpresari urritik aurrera zuhaitz mozketa gehiago egitea. Honek, bertako biztanleek ohartarazi bezala, basoaren zati zaharrenak suntsitzea eta zuhaitzetako etxeetatik jende asko kaleratzea eragingo luke.
Abuztuaren 13a orduko idatzi bat egin zuten publiko Hambacheko basoko bizikideek. Bertan, urrian hasiko den inausketa denboraldia baino lehen eremua husteko ahaleginak egingo ziren susmoa agertzen zuten. Bi aste eskasen bueltan, abuztuaren 28an, poliziak bortizki hustu zuen belardiko kanpamendua, eraikin ugari suntsituz bidean eta hamabost pertsona atxilotuz. Biharamunean, abuztuaren 29an, manifestazioa egin zuten. Ez da astebete pasa eremua hustu asmoz polizia itzuli den arte.
Alternatiba positiboago bat
Beraiena merkaturatzeko errekurtso naturalak lurretik ateratzearen kontra egitera bakarrik mugatzen ez den borroka dela adierazi dute Hambacheko basoko bizikideek, “alternatiba positiboago bat eraikitzea” ere bilatzen baitute eremuaren okupazioaren bitartez. Horretan dihardute orain bost urtetik hona, hamarkadetan zehar jendea basoaren suntsiketaren aurka agertu bada ere, 2012an eman baitzen eremua okupatzera pausua. Ordutik, zuhaitzetan eraikitako etxeetan bizi da jendea. Hambacheko basoan pertsonen arteko erlazioak “elkartasunak, komunitateak eta jasangarritasunak” zuzentzen dituen bizimoduari ematen diote balioa. Basoaren defentsa, baina, bertako egunerokotasunean presente dagoen zerbait da.
Lignito edo ikatz arrea ateratzeko lur azaleko hiru meategi daude Hambachen, eta bertatik ustiatzen duena erreta argindarra sortzen du RWE enpresak. Meategia etengabe ari dira hedatzen, eta dagoeneko basoaren hiru laurden jan dituela kalkulatzen da. Alemaniako basorik zaharrenetarikoa denaren milaka urtetako eboluzioa epe motzean suntsitzen ari dira.
Basoaren suntsipenaren bitartez mundu osoa kaltetzen dela ohartarazten dute ekintzaileek. Izan ere, Hambacheko hiru meategiek eta Rhenaniako bost zentral elektrikoek, Alemaniako karbono dioxidoaren herena isurtzen dute. Berotegi-efektua eragiten duen gasa izanik, mundu osoko klima aldaketan daukan eragina kontuan hartzekoa da.
Iazko zuhaitz mozketa deboraldiaren ataritan ere egin zuten basoa defendatzeko deialdia Hambacheko bizikideek. Hemen deialdi haren bideoa:
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Lurreko bi heren baino gehiago ura da; ur horretatik %96, ozeanoetako ur gazia. Eguzki izpiak ozeanoetako lehen 200 metroko sakonerara heltzen dira, eta bertan bizi dira munduko arrantza industriak ustiatzen dituen espezie ia guztiak. Aitzitik, zientziak gehiago erreparatu izan... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]