Hamalau eragile politiko-sindikalek eskatu dute presoak euskal espetxeetara ekartzea
Euskal preso politikoak Euskal Herriko espetxeetara ekartzea eskatu diote Espainiako Gobernuari honako hamalau alderdi eta sindikatuek: EAJ, EH Bildu, Elkarrekin Podemos-IU, ELA, LAB, UGT, CCOO, Steilas, EHNE, ESK, Hiru, Etxalde, CGT eta CNTk.
aurre egingo dieten hedabide independenteak
Etxerat presoen senideen elkartearen ekimenez atera da aurrera proposamena. Joan den otsailean lotu zuten eragileokin urtea amaitu aurretik halako adierazpen bat kaleratzea eta ostiral goiz honetan aurkeztu dute Bilboko Euskalduna Jauregian.
Euskal Herriko ia instituzio gehienen aldetik ehunka aldiz egin den eskaera berretsi dute oraingoan ere, euskal preso politikoak Euskal Herriko espetxeetara ekartzea eta espetxe politika normalizatu bat aplikatzea, iraganeko gatazka logikak gaindituz.
Orain arteko espetxe politikak presoen senitartekoak zigortu ditu eta sinatzaileek uste dute euskal espetxeetara ekarrita, preso eta senitartekoen harremanak erraztuko direla, bereziki guraso-preso eta haien seme-alaben artekoa. EAEri dagokionez, presoak Martutene, Basauri eta Zaballako espetxeetara ekartzea eskatu dute.
Adierazpena Pedro Sánchez Espainiako Gobernuko lehendakariari helaraziko zaio, eta baita ere Iñigo Urkullu, María Chivite eta Jean René Etxegarai, hurrenez hurren, Eusko Jaurlaritza, Nafarroako Gobernua eta Euskal Hirigune Elkargoko lehendakariak. Eusko Legebiltzarrari eta EAEko udal guztiei ere bidaliko zaie, egoki baderitzote eskaera onar dezaten.
Etxeraten ondorengo bideoan ikus daiteke agerraldi osoa:
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]