Barraskiloak margotu dituzte hainbat herritan AHTren kontra
Mugitu! mugimenduaren ekintzak Euskal Herriko hainbat herritako hormak barraskiloz bete ditu.
Barraskiloaren ibilera geldoarekin AHTren aurkako jarrera sinbolizatu nahi du Mugitu!-k.
Gizarteak presa handiegia daukala salatu du kolektiboak: "'Denbora irabazteko', gero eta azkarrago joaten gara baina aitzitik, geure bizitzaren gero eta denbora gehiago ematen dugu joan-etorri luzeetan". Eta AHT da presaren kultura horren erakusle handienetako bat Mugitu!-ren ustez.
Gizarteak gero eta azkarrago eta urrunago ibili beharrak ondorio kaltegarriak dakartzala adierazi dute, baina kalte horien zerrenda egin ere: naturguneen suntsiketa, energia kontsumoaren igoera, ondare ekonomiko eta naturala xahutzea, landa eremuak hirien menpeko bihurtzea...
Barraskiloak hainbat herrietako izkinetan agertu dira asteburuan: Altsasu, Etxarri, Donostia, Tolosa, Billabona, Arratia, Hego Uribe, Iruñea... Hemen argazki batzuk:
Donostian
Iruñean
Tafallaldean
Arratian
Argazki gehiago
AHTren kontra protesta egiteko Euskal Herri osoan egin diren margoketak ikusi nahi izanez gero hemen daukazue aukera.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]