“Minusbaliatu” hitza Espainiako Konstituziotik ezabatzea onartu dute

  • Testua, Voxek izan ezik gainontzeko alderdi guztiek bermatua, Senatutik igaro beharko da orain indarrean sartu aurretik.


2024ko urtarrilaren 19an - 12:16

Konstituzioa "ukiezintzat" edo bere testua aldatzea "oso prozesu luzetzat" jo izan izan du sarri espainiar nazionalismoak. Bada, ostegun honetan onartu du kongresuak Konstituzioaren 49.artikuluaren erreforma, testutik “minusbaliatu” ("disminuidos") hitza kendu eta “desgaitasunen bat duten pertsona” gisa kalifikatzeko. Gehiengo zabalarekin onartu da, aldeko 312 botorekin eta kontrako 32rekin. Vox izan da kontrakotasuna adierazi eta proposamena baztertu duen alderdi bakarra.

Orain, izapidea Senatura pasatuko da eta azken orduko ezusterik ez badago, onartu egingo dute . Hortaz, Goi Ganberak aldaketa berresterakoan, Konstituzioaren hirugarren aldaketa indarrean jarriko da 1978an onartu zenetik. 45 urteotan onartutako hirugarren aldaketa da, eta lehendabiziko “erreforma soziala”.

Konstituzioaren erreforma PSOEk eta PPk aurkeztutako proposamenaren arabera egingo da; legebiltzarreko gehiengoak bertan behera utzi baitu EAJk eta Compromisek aurkezturiko zuzenketak. Izan ere, izapidea baliatu zuten gai jakin batzuetan aldaketa zabalagoa egiteko.


Kanal honetatik interesatuko zaizu: Espainiako Konstituzioa
2023-12-06 | ARGIA
Gaur, abenduak 6, ARGIAn lanean ari gara normaltasunez

Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.


2021-12-24 | Leire Artola Arin
Absolbitu egin dute David Suarez umoregilea: ez da gorroto delitua, “gustu txarreko txistea” baizik

Down sindromea duten emakumeei buruz idatzitako txio batengatik kartzela zigorra eskatu zuen Fiskaltzak. Auziak piztu egin du umorearen, gorroto delituaren eta adierazpen askatasunaren arteko mugaren inguruko eztabaida zaharra.


Eguneraketa berriak daude