Idiozia

Atzerapen mental sakona adierazten du idioziak, gaixotasun mentala, alegia. Idiotak ez du gaitasun psikiko edo intelektualik. Gaiztoek badute, ostera, gaitasun psikiko eta mentala. Eta espainiarrek ere bai, salbu eta monarkiaren buru den errege bobolioak. Zitalkeria pertsonen ezaugarri intrintsekoa da eta Espainiako monarkiaren burua zitala eta idiota da, egindako baieztapenen arabera: “Ez da onargarria ustezko demokrazia bat aipatzea Zuzenbidearen gainetik. Izan ere, legeak errespetatu gabe ez dago bizikidetzarik; segurtasun falta eta bidegabekeria baino ez dago, eta azken buruan, gizartearen printzipio moral eta zibikoak hausten ditu”.

Francok, hil-hurren zegoela, diktaduraren azken mimenkadak banatzen, erregimenaren eta sistemaren arauak, zuzenbidea eta legedia bete zituen: Txiki eta Otaegi erail zituen. Diktaduran ordenamendu juridikoa zegoen. Estatu batek sortu egiten du zuzenbide zehatz bat, erabilia izan dadin. Estatu orok dute ordenamendu juridikoa, araudi eta legedi bat. Pentsaezina litzateke zuzenbiderik gabeko estatu bat, ordenamendu juridikorik gabe, araudi eta legerik gabe. Espainiak, gaur egun, ordenamendu juridiko jakin bat du. Espainiarra, of course!

Espainiarrek legea bete dezaten eskatzen diete katalanei, euskaldunei, espainiar orori. Legearen inperioak bat eta bakar egiten gaituelako, antza.

Baina Urkullu jauna arranguraka dabil, amorratuta, bere onetik aterata. Espainiako Senatuan PP trogloditaren mintzakideetako batek eskatu diolako Espainiako Kongresuari ez dadila euskaldunei eskumenik oparitzen ibili, berrogei urtean esku aldatuta egon beharko liratekeen horiek hain zuzen ere, Espainiako ordenamendu juridikoak eta Konstituzioak esku aldatzeko agindua aspaldian emanagatik ere.

Idiozian, zitalkerian edota supremazismo arrazistan oinarrituta, eta monarkia buruak aldarrikatzen duen legeria hori bera. Argi dago haiek aldarrikatzen duten legea ez dutela beteko inoiz, interes nazionalista espainiar eta diktatorialak direla kausa.
Urkullu jaunak direnak eta ez direnak esango ditu, ezpain bazterrak adur dariola jarri arte. Beste berrogei urte itxaroten egon beharko ote dugu euskaldunok, euskal herritarren legeak ez diren inorenak bete ditzaten eskatzen? Ala maiuskulaz idazten eta sentitzen diren demokraziaren baitatik sortutako araudi eta legedia egituratuko ote dugu gurean? Demokraziaren gainetik ez dago legerik ez inposaketarik, herriaren agindua baizik.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude