Gutxienez 70 hildako izan dira Maliko urre meategi batean izandako luizian. Meatzea ilegalki ari ziren esplotatzen, Maliko Gobernuak ez baitzuen meategia irekitzeko baimenik eman, baina meatzariak “modu irregularrean” eta “beren kabuz” ustiatzen hasi ziren, hedabideetan iturri ofizialek emandako bertsioaren arabera. Dagoeneko berreskuratu dituzte gorpu batzuk. Maliko herritarrak dira hildako gehienak, baina badira meatzari atzerritarrak ere, batez ere Ginea Bissaukoak, EITBk jaso duenez.

Eskualdean hildako gehien eragin dituen erorketetako bat izan da. Meategia Kobada herrixkatik gertu dago, Bamakotik 250 kilometrotara.