Kasko urdinen txanda Malin

  • Nazio Batuen Erakundeak (NBE) Afrika mendebaldeko 6.000 kasko urdin bidali ditu Malira. Urtea amaitu baino lehen beste 6.000 soldadu batuko zaizkie. Helburua, "segurtasuna eta egonkortasuna mantentzea", NBEren arabera.

ARGIA @argia
2013ko uztailaren 01a
Urtea amaitu baino lehen 12.000 kasko urdin helduko dira Malira.

Urtarrilaz geroztik, errebelde tuaregen eta talde yihadisten aurkako nazioarteko aliantza militarraren buru da Frantzia. Malira heldu diren kasko urdin afrikarrek soldadu frantziarrak ordezkatuko dituzte, baina horrek ez du esan nahi Frantziako tropak etxera itzuliko direnik. Malin geratuko dira, euren laguntza beharrezkoa izan daitekeelakoan, Frantziako Gobernuak azaldu duenez. Gaur egun 3.200 soldadu frantziar daude Malin, bereziki Gao, Tessalit eta Kidalgo aireporturen inguruan.

Kasko urdinen egitekoa Mali iparraldeko hiriak babestea da batetik, eta uztailaren 28ko presidentetzarako hauteskundeetan segurtasuna bermatzea bestetik. Aurreikuspenen arabera, Minusma operazioak urtebete iraungo du.

Kasko urdinek egindako operazio militar handienetakoa da Malin hasi dutena.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Mali

Mali kanaletik interesatuko zaizu...
Erdi Aroko konstituzio afrikarra

Afrika, XII. mendea. Ghanako Inperioak gainbehera egin zuen almorabideen etengabeko inbasioen eraginez. Orduan, sossoen errege Sumanguru Kantek Ghanako hiriburu zaharra hartu zuen, botere hutsunea baliatuz. Eta lurraldeak konkistatzen jarraitu zuen Mandeneraino, mandingen lurralderaino.


Hainbat intelektual frantsesek “terrorismoaren aurkako gerraren” zioak kritikatu dituzte

Frantziako zenbait intelektualek adierazpen baten bidez galdetu dute Parisko atentatuen ostean Frantziako Gobernuak abiatutako “terrorismoaren aurkako gerrak” zer ondorio izango dituen. Frantziak abiatutako bonbardaketen kontra bat egiteko deia luzatu dute.


Malik eta tuaregek presoak trukatu dituzte bake elkarrizketen aurretik

Maliko gobernuak eta Azawadeko tuaregek presoak trukatu dituzte bake elkarrizketen bezperan, borondate oneko keinu gisa.


Maliko Gobernuak guda deklaratu die berriz ere errebelde tuaregei, Frantziaren laguntzarekin

Gutxienez zortzi hildako izan dira Maliko armada eta gehienbat tuaregek osatzen duten MNLAren arteko borroketan, Kidal izeneko herrian (ikusi mapan non dagoen). Maliko Lehen Ministroak Azawadera egindako bisita batek lehertu du aurretik ere bero zegoen gatazka. Iturri tuaregetan irakur daiteke Lehen Ministroaren aurkako manifestazio baketsua egin zutela tuaregek, eta soldadu maliarrek hauen aurka tiro egin zutela, azkenean MNLA bera ere erasotuz.


2013-04-10 | Martin Vicioso
Frantziako armada Malitik ateratzen hasi da

Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala ere, Frantziak mila soldadu inguru utziko ditu bertan, NBEko 11.200 kasko urdinekin eta 1.400 poliziarekin batera.


2013-02-21 | Jon Torner Zabala
Malin eta Azawaden okerrena etortzeko dago

Azawad hartzea parterik errazena zen. Orain, Maliko estatuak, gerrillarien erasoei, ‘Tuaregen arazoari’ eta zatitutako gobernua izateak sortzen dituen eragozpenei egin beharko die aurre, Imad Mesdoua analista politikoak The Guardian-en idatzi duen moduan.


Espainiak tropa militarrak bidaliko ditu Malira

Espainiako Kongresuak Malira tropak bidaltzea erabaki zuen atzo egindako batzarrean, aldeko 302 boz, kontrako 18 eta bi abstentziorekin.


2013-01-28 | Josu Urtubia
Azawad inbaditzera, Baionatik abiatuta

Frantziako armadako buruzagiek larunbatean iragarri zuten Azawadeko hiruburua, Gao, kontrolpean hartu dutela. Bamakoren ipar-ekialdera dago, 1.200 kilometrora. Igandean Sud Ouest egunkariak informatu zuenez, Baionako paratxutisten errejimentuak parte hartu du operazioan.


2013-01-25 | Josu Urtubia
Frantziako armada bereziak Nigerreko uranio hobiak babesten ari dira

Frantziak Malin egin duen interbentzio militarrak eskualde horretako uranio erreserbekin zerikusia duela dioen hipotesia indartzen ari da.


Azkenak
EGILEA
Eguneraketa berriak daude