Gutxienez 63 migratzaile hil eta 100 desagertu dira Italiako kostaldean
200 migratzaile inguru zihoazen itsasontzi bat hondoratu egin da igandean, arroken aurka jo ondoren. 63 gorpu erreskatatu dituzte.
Gutxienez 60 pertsona hil dira gutxi gorabehera 200 migratzaile zihoazen itsasontzi bat hondoratu ondoren Italiako Calabria eskualdeko kostatik gertu, herrialdearen hegoaldean. 50 pertsona inguru erreskatatu dituzte eta horietatik 22 ospitaleratuta daude, erdiak adin txikikoak dira eta bat oso egoera larrian dago.
Ontzia orain dela lau egun abiatu zen Esmirnako portu turkiarretik. Erreskate zerbitzuen arabera, txalupa "erabat gainkargatuta" zihoan eta arroken aurka jotzean bitan zatitu zen. Salbamendu-zerbitzuek bizirik atera zirenen bila jarraitzen dute, eta lehen ikerketen arabera, migratzaileak Irangoak, Pakistangoak eta Afganistangoak dira.
Hildakoak gehiago izan daitezke
Vincenzo Voce Crotona Italia hegoaldeko hiriko alkateak adierazi duenez, "tragedia izugarria da hau, eta hildakoak askoz gehiago ote diren beldur naiz". Mugarik Gabeko Medikuak GKEko Sergio Di Dato misio-buruak mina adierazi du hondoratzearen aurrean: "Gizalegez onartezina eta ulertezina iruditzen zaigu saihestu zitezkeen tragediak ikustea".
Italiako lehen ministroak, Giorgia Melonik, legez kanpoko migrazioaren aurkako legeak gogortzeko hitza eman du, eta doluminak adierazi ditu "pertsonen trafikoak akabatu dituen giza bizitza asko" direla eta. Gainera, gogorarazi du bere gobernuak "horrelako tragediak saihesteko konpromisoa" duela. Migratzaileen jatorriko herrialdeei "erabateko lankidetza" eskatu die.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]