Emakumeak borrokan

Gutxiengoa dira immigrazioa arazotzat duten EAEko herritarrak

  • 2015ean hasitako joerari jarraiki, immigrazioari buruzko iritzi eta jarrera positiboak sendotu egin dira Araba, Bizkaia eta Gipuzkoako gizartean. Hala berretsi du Ikuspegi Immigrazioaren Euskal Behatokiak aurkeztu duen 2018ko Barometroak.

Gorka Peñagarikano Goikoetxea @gorkap34
2018ko urriaren 17a

Immigrazioaren aurreko jarreretan azken urteotan egon den hobekuntza nabarmena izan dela azpimarratu du Ikuspegik. Gainera, EAEko biztanleen iritziz, immigrazioa “ekonomiarako eta lan-merkaturako eragile positiboa da”. Adibidez, nabarmen egin du behera langabeziaren errudun migratzaileak egiten dituztenak: 2013tik hona ia 6 puntu jaitsi da eta %7,7ak baino ez ditu etorkinak arazotzat ikusten.

Dena den, herritarren jarrera “anbibalentea” dela dio txostenak, immigrazioa onuratzat ikusi arren zenbait kolektiborekiko dagoen sinpatia uzkurragoa baita.

Euskal gizartearen gehiengoak uste du unibertsalak izan beharko liratekeela osasuna eta hezkuntza eskubideak, denen eskuragarri egon beharko luketela. Nolanahi, beste eskubide batzuk aipatzean (laguntza juridikoa, gizarte-laguntzak, babes ofizialeko etxebizitzak, boto-eskubidea), %65ak dio eskubide horiek gehiago murriztu eta erregularizatu beharko liratekeela.

Errefuxiatuen jarrera ere aldekoa da oro har. Gehienak errefuxiatuak hartzearen alde daude, baina baldintza ezberdinetan: ia %30ak inolako murrizketarik edota baldintzarik gabe hartuko lituzke, eta beste %40 inguruk dio hartu beharko liratekeela ihesean baldin badatoz edo jazartuak izan badira jatorrizko herrialdean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Migrazioa  |  Errefuxiatu krisi globala  |  EAE

Migrazioa kanaletik interesatuko zaizu...
Azkenak
EGILEA
Eguneraketa berriak daude