Gutxieneko soldata: 35 euro gehiago, baina "Hego Euskal Herriko beharretatik urrun"

  • Espainiako Gobernuak eta CCOO eta UGT sindikatuek adostu dute Espainiako Estatuan Lanbidearteko Gutxieneko Soldata 1.000 eurokoa izatea. Euskal sindikatu abertzaleen ustez, eguneraketa hori langileen beharretatik oso urrun dago eta hainbat datu eman dituzte hori azaltzeko.


2022ko otsailaren 10an - 10:54
Azken eguneraketa: 12:32
Yolanda Díaz Espainiako lehendakariordea CCOO eta UGTko ordezkariekin (argazkia: Espainiako Gobernua)

Yolanda Díaz Espainiako lehendakariordeak sinatu du CCOO eta UGT sindikatuekin Lanbidearteko Gutxieneko Soldataren (LGS) eguneraketa, oraingoan Confebasken babesik gabe, lan erreformarekin ez bezala. Gutxieneko soldata 1.000 eurora igoko dute, eta hala, hilean 35 euro gehiago jasoko ditu lehen gutxieneko hori jasotzen zuenak.

Unai Sordo CCOOko idazkari nagusiak nabarmendu du neurriak Espainiako Estatuko 1,8 milioi langileri eragingo diola eta "pozik" agertu da akordioarekin. Sordoren arabera, gutxieneko soldata jasotzen duen tipologia emakumearena da, 16 eta 34 urte artean ditu, eta nekazaritza eta zerbitzuetan aritzen da.

Igoerari egin dioten kritika nagusietakoa da prezioen gorakadaren adinakoa ez izatea.

ELA sindikatuak nabarmendu du LGSa %3,6 igo duten bitartean iazko inflazioa %6,5 igo zela, eta hortaz langileen erosteko ahalmena galduko dutela eta horrek erakusten duela "soldatak debaluatzeko politika ezartzen ari dela".

LABek ere kritikatu du akordioa; sindikatu abertzalearen esanetan Hego Euskal Herrian 1.400 euroko gutxieneko soldata egon behar luke, "hori baita euskal langileriak, bizitza duina izango badu, behar duen gutxieneko kopurua".

Europako Gutun Sozialak ezartzen duenaren arabera, guitxieneko soldatak batez besteko soldataren %60 izan behar luke. Díazek konpromisoa adierazi du horretara iristeko, eta Espainiako Estatuaren kasuan 1.063 euro lirateke.

 


Kanal honetatik interesatuko zaizu: Ekonomia
Lan mundua euskalduntzeko ere Herri Akordioa

Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]


2024-05-15 | Itxaro Borda
Maiatz ederrak

Maiatzean nahi dena egiten ahal dela dio frantsesezko erran zahar batek eta hala dela iruditzen zait. Egunak luzatzen dira, tenperatura hupatzen eta halako axola-gabezia aire zerbaitek inarrosten dizkigu buru zokoak. Egia aitortze aldera, nire garuna martxo bukaeran hasten da... [+]


Olatukoop 10. urteurren ekitaldia
Ekonomia eta lurralde eraldaketarako konpromisoa berretsi du Olatukoopek

80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.


Bilbobuseko greba bertan behera, langileek aurrekoardioari baiezkoa emateko zain

Bilbobusen greba mugagabea "bertan behera" geratu da momentuz, UGT, CCOO eta USO sindikatuek aurreakordioa itxi ostean Biobiderekin, Bilboko Udalak zerbitzu publikoa eskaintzeko azpikontrataturiko enpresa. Langileek ostegunean batzarrean erabaki beharko dute adosturiko... [+]


Eguneraketa berriak daude