“Gustura egingo nuke lan publikoan, baina osteopatak mugatuta gaude”
Fisioterapeuta eta osteopata da Amaia Estanga. Lana zertan datzan azaldu, eta osasun sistema publikoan artatzeko dituzten zailtasunez mintzo da.
aurre egingo dieten hedabide independenteak
“Medikuntzaren beste adar bat da osteopatia; diagnostikatzeko eta tratatzeko beste teknika bat”. Hitz horiekin azaldu du zer den osteopatia Amaia Estangak. Kontatu du batzuetan zaila dela azaltzea zer den, eta hobe dela probatzea: “Helburua da identifikatzea zer gertatzen ari den gorputzean lesiorik berriz ez gertatzeko eta tresnak garatzeko”.
Osteopatia eta fisioterapia uztartzen ditu pazientearen beharren arabera, baina gehienbat osteopatia egiten du, “hobeto” diagnostikatzen duelako: “Diagnostikatzeko eta tratatzeko erabiltzen dut, eta amaieran fisioterapia pixka bat egiten dut gehiago askatzeko”. Hala ere, ikusten badu “zailagoa” egiten zaiola pazienteak nahiago duelako fisioterapia, pazientearen nahietara egokitzen da.
Gaineratu du eragin handia duela pazientearen jarrerak, eta askorentzat “oso arraroa” dela begiak itxita eta isilik lan egitea: “Tratatzean beti sentitzen dugu zerbait, baina pazienteek sentitzen ez dutenean beste sentsibilitate bat dutelako, uste dute ez dugula deus egin”. Horrelakoetan kexatu egiten direla esan du; hala ere, badira batzuk gerora hobekuntza ikusten dutenak, eta jarrerarengatik barkamena eskatzen dutenak.
Hiru oinarri orokor ditu osteopatiak: berezko sendaketa, osotasuna eta mugimendua. “Gorputz guztiek berez sendatzeko gaitasuna daukate, baina egoeraren arabera ezin duenean, osteopatiaren bidez berezko sendaketa berriz martxan jartzen laguntzen diogu”, azaldu du.
Horrez gain, esan du begirada kolektibotik eta globaletik erreparatu behar zaiela lesioei: “Ehun guztiak konektatuta daude eta leku batean dagoen zerbaitek besteari eragin diezaioke”.
"Gorputz guztiek berez sendatzeko gaitasuna dute, baina egoeraren arabera ezin duenean, osteopatiaren bidez berezko sendaketa berriz martxan jartzen laguntzen diogu"
Gorputza entzun
Gaineratu du gorputzak berez jaio aurretik mugimendua daukala, eta tratatzean eskuen bidez mugimendu hori sentitzen dutela: “Mugimendua galtzen bada, lesioa sortzen da; adibidez, gibelak mugimendua galtzen badu geldirik geratzen da, eta funtzioa ez duenez ongi egiten gerta daiteke, adibidez, mina izatea sorbaldan”. Hortaz, helburua da fisioterapiaren bidez mugimendua berraktibatzea: “Horretarako garrantzitsua da gorputza entzunez mugimendurik gabeko lekuraino joatea”.
Hego Euskal Herriko Osasun Sistema Publikoan ez dagoenez osteopatia egiteko aukerarik eta zerrendetan zaila denez sartzea, pribatuan artatzen du Estangak: “Legalki eta zientifikoki ez dagoenez nahi duten bezala demostratuta, ezin dugu ezer egin, eta tranpa eginez gero arriskuak daude”. Ipar Euskal Herrian aldiz, aukera gehiago daude.
Estangaren ustez, aukerarik ez izatea lan egiteko beste modu batzuk “albo batera uztea” eta “pribatizatzea” da: “Gustura egingo nuke lan publikoan, baina mugatuta gaude”. Gehitu du ez zaiola behar besteko garrantzia ematen: “Lau urteko ikasketak dira eta fisiologia eta anatomia kontrolatu behar ditugu; beste herrialde batzuetan prestigio gehiago daukate osteopatek”.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]