Gartziak esan du Gure esku dago dinamikaren atzean herri oso bat dagoela, eta “ez dela inolako alderdiren esperoan egon behar”. Otamendik testuinguruari  begiratu behar zaiola esan du. Joan den urteko ekitaldia oso desberdina izan zen “Eskozia eta Kataluniaren erreferendumaren atarian egonik beste intentsitate batez bizi izan zelako”.

Aurtengo ekitaldian ez da emozioa honenbeste piztu bi tertuliakideen ustez. Jon Maiak ekitaldi bukaeran esan Euskal Herria superpotentzia emozional bat zela baina Gartziaren iritziz Gure Esku Dago “emozioen superpotentzia bihurtzeaz gainera,  arrazoiaren superpotentzia batean bihurtu behar da”.

Gartziak gaineratu du agian ez dela asmatu “erabakitzeko eskubidea identitatearekin zerikusirik ez duen zerbait dela, eta erabakitzeko eskubidea eskubide soziala ere badela azaltzen, erabakitzeko hainbat alor desberdinen inguruan erabakitzea eskatzen ari garela”. Gai honetaz hausnartu egin behar da: “Pedagogia ariketa egin behar dugu, eta bertan egon ez ziren abertzaleei erakutsi gauza askoren inguruan erabaki behar dugula”.

Unai Gartziak Euskal Herrian oso kultura partidista dagoela gaineratu du eta oso zaila dela “alderdi politikoen logikatik kanpo dagoen egitasmorik aurrera eramatea”. Urkulluren ausentziaz galdetuta  Kataluniarekin alderatu du:  “Artur Masek honelako ekitaldi batean parte hartzen badu ez da iniziatiba propioz egiten duen zerbait, gizarteak eskatu diolako baizik”.