Erraustegiaren aurkako familien plataformak zortzi egun ditu parte-hartze prozesu bat abiatzea eskatzeko. Aldundiaren arabera, galdeketak pertsonek soilik deitu ditzakete.
Zubietan eraiki asmo duten erraustegiaren inguruko galdeketa egiteko bidean pauso bat gehiago eman du GuraSOSek. Erraustegiaren eraginarekin kezkatuta dauden familien elkarteak prozesu parte hartzaile bat irekitzeko eskatu zion Gipuzkoako Foru Aldundiari iragan uztailaren 28an, baina Aldundiak ukatu egin zion aukera hori.
Gauzak horrela, administrazioarekiko auzi-prozesuen Donostiako epaitegian errekurtsoa aurkeztu zuen GuraSOSek, eta aldundiak trabak jarri dizkio errekurtsoari, Naiz-ek jakitera eman duenez. Gurasosen arabera, “aukera hori pertsonei dagokiela, eta ez elkarteei”, argudiatu zuen Markel Olano buru duen instituzioak.
Familien elkarteak zehaztu duenez, foru instituzioaren araudiak “elkarteei soilik uzten die prozesu parte-hartzaileak abiarazten”. Hain justu, hori izan da GuraSOSi izaera juridikoa emateko arrazoi nagusia.
Bi aldeen azalpenak entzun ostean hartu du erabakia epaitegiak. Txarretsi egin ditu Aldundiaren argudioak, eta GuraSOSen eskaerari ateak zabaldu dizkio. Hala, elkarteak zortzi egun ditu prozesua abiatzea eskatzeko. GuraSOSen ustez, “garrantzitsuena ez da epaitegiaren erabakia, Aldundiaren jarrera baizik”. Elkartetik adierazi dutenez, Aldundiak “herritarrei parte-hartze eskubidea ukatu eta gaiaren benetako itxura aldatu” nahi izan du.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.