GuraSOS herri mugimenduak osasunaren aldeko ekimena abian jarri du, Zubietako erraustegiaren ondorio kaltegarriez ohartarazteko.
GuraSOS mugimenduak aurreratu duenez, “apirilaren 5ean, igandean, eguerdiko hamabietan, bost minutuz, eta handik aurrera konfinamenduak dirauen egun guztietan, Gipuzkoako herrietan hegazkinen aurkako alarmen soinu aztoragarria entzungo da”. Ekimenaren deitzaileek audio bat zabaldu dute, eta halaber, bideo bat herritarrek sirena hori entzunaraz dezaten beren etxeetatik bafleekin.
"Dioxina eta beste toxiko batzuengatiko osasun alerta” da sirena hori, Gipuzkoako erraustegiak koronabirusarengatiko konfinamendu betean isurtzen dituenak.
Hona ekimenaren helburuak:
– Erraustegiak euren bizitza eta osasunari begira duen arriskuaz herritarrek kontzientzia hartzea. Osasunaren Mundu Erakundearen (OME) arabera, 1.600.000 pertsona hiltzen dira munduan kutsaduragatik.
– Hondakinak kudeatzeko modu hain kaltegarri eta arriskutsuen aldeko apustuan diharduten politika publikoak aldaraztea.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.