ARGIA.eus

2022ko abenduaren 07a
Jose Luis Etxebarria 'Porru'

Heroina Arrasaten Guardia Zibilak banatzen zuela frogatu zuen udaltzainburua hil da

  • Jose Luis Etxebarria Porru 1982tik 2012ra izan zen Arrasateko udaltzainburu, eta frogatu zuen droga Donostiako Intxaurrondoko eta Bilboko La Salveko kuarteletatik eramaten zutela herrira. Azaroaren 20an hil da, 65 urte zituela.

ARGIA @argia
2022ko azaroaren 21a - 14:12Azken eguneraketa:2022-11-22 10:30:30

Aretxabaletarra zen jaiotzez Jose Luis Etxeberria Porru, baina bizitza Arrasaten igaro zuen. Besteak beste, ezaguna zen 80ko hamarraldian frogatu zuelako Guardia Zibila zela herrian heroina banatzen zebilena, garai hartako EAJko alkate Jose Antonio Ardanzak eskatutako ikerketa batean. Igandean hil da Porru, 65 urte zituela, Goiena hedabideak jakinarazi duenez.

1982. urtean hartu zuen udaltzainburu postua, Arrasaten drogaren ondorioz gazte asko hiltzen ari zen garaian, eta 30 urtez jardun zuen lan horretan. Udaltzainburutza hartu berritan jaso zuen Ardanzaren agindua, ikertzeko nondik iristen zen heroina herrira, argitzeko nor zebilen droga trafikoan. Kalez jantzitako udaltzainek jarraipenak egin zizkieten droga banatzen zebiltzaten ibilgailuei, eta bi tokitara iritsi ziren, 2015ean Berriak egindako elkarrizketan gogoratzen duenez: Guardia Zibilaren bi kuarteletara, Bilboko La Salvekora eta Donostiako Intxaurrondokora.

"Frogatu genuen droga kuarteletatik ekartzen zutela Arrasatera, baina ezerezean geratu zen salaketa, ez zegoelako interes handirik hori jakiteko. Etsigarria zen", azaldu zuen elkarrizketan. Izan ere, epaitegietara jo zuten, baina ez zen nahikoa izan ikerketa bat abiatzeko, auto gehienen matrikulak faltsuak zirelako, eta "oso agerikoa" zelako "ez zegoela borondaterik ikertzeko".

80ko urteetan Arrasateko arazorik handiena drogarena zela iritzi zion, eta Berriari berretsi zion zergatik izan zuen herri horretan bereziki eragin handia: "Ez da kasualitatea Guardia Zibilak Arrasate moduko herri bat hautatzea droga banatzeko: ETAko buruzagiak, izen handiko politikariak, kooperatibak... Bai politikoki, bai sozialki eta bai ekonomikoki, indar handiko herria zen Arrasate. Nahita aukeratu zuten".

Justo Arriola elgoibartarrak 2017an argitaratu zuen Txalapartarekin A los pies del caballo, narcotráfico, heroina y contrainsurgencia en Euskal Herria liburua, eta bertan bildu zuen Porruren testigantza, besteren artean.

Kanal hauetan artxibatua: Heriotza  |  Drogak  |  Guardia Zibila  |  Arrasate

Heriotza kanaletik interesatuko zaizu...
Argizaiolak, joan zirenen gogoa kiskali ez dadin

Hildakoak gogoratzea, horien memoria bizirik mantendu eta gurtzea, mundu osoko gizakien ohitura da. Historiaurreko trikuharrietatik gaur egungo ospakizunetara, ezaugarri kultural honek forma ugari hartu ditu munduko txoko desberdinetan. Bada gurean oraindik bizirik mantentzen... [+]


2022-10-30 | Jone Gartzia
Izan zirenentzako leku bat

Jaio baino lehen edo jaio berritan hiltzen diren haurren dolua ikusarazi eta aitortzeko espazio bat irekiko dute Hernanin. Horrelako bigarrena izango da Euskal Herrian. Heriotza perinatala bere azalean bizitako Esti Zeberio Zubelzuk bultzatu du ekimena, eta samina igarotzeko... [+]


2022-09-07 | ARGIA
2022ko beroaldiak 11.000 pertsona hil ditu Frantzian eta 5.000 Espainian

Frantziako eta Espainiako estatistika institutu nagusiek ezagutarazi dituzten kalkuluetan, 2022ko uda bereziki beroak eragin du bi estatuetan ohi baino milaka pertsona gehiago hiltzea, zehazki 11.000 Frantzian eta 5.000 Espainian.


2022-07-20 | ARGIA
Igor Lopez de Muniain EH Bilduko legebiltzarkide ohia zendu da

 2012tik 2016ra arteko legealdian izan zen legebiltzarkide Lopez de Muniain eta Araba mailako Aralarren arduraduna ere zen aurretik. Eritasunak eraman du gasteiztarra.



Irakurrienak
Argia buletina
Egunaren laburpena
zure e-postan
Eguneraketa berriak daude