“Gu baserri girokoak gara, eta gauzak aldatu nahi ditugu gurean; hori bezain sinplea da”
Ipar Euskal Herri barnealdeko lehen LGBTQIA+ ospakizun eguna egin dute asteburuan, Atharratzen. “Ohartu gara, jendearen artean ere behar bat bazela, ez bakarrik LGBTQIA pertsonen artean, baita hetero munduan ere”, kontatu digu antolatzaileetako bat izan den Strass & Kaiet-ek (hori du izen artistikoa).
aurre egingo dieten hedabide independenteak
Heteronormatik kanpo dagoen barnealdeko jende euskaldunak osatzen du Altxalili kolektiboa. Altxalilik eta Atharratzeko Prefosta gazteen elkarteak antolatuta egin dute larunbatean Bekat’Uros eguna. Egitarauaren barruan, ikuskizun berezia eskaini du Altxalilik (argazkian).
Barnealdeko lehen LGBTQIA+ ospakizun eguna izan da Bekat’Uros. Zenbaterainoko garrantzia du horrek?
Elkartzeko aukera izan da, lehenik guretzat, Altxalili kolektiboarentzat, baina ikusi dugun moduan baita Euskal Herri guztitik etorri den jendearentzat ere, saretzeko eta elkar ezagutzeko gogoz. Altxalilitik indartsu etortzen ginen, eta showa egin dugunean jendearen aldetik ere indar handia sentitu dugu, kristoren suziria izan da, jende anitz-anitz zegoen. Guk ikuskizuna prestatu dugu eskas bati, behar bati erantzuteko, eta ohartu gara, parean zein oihartzun izan duen ikusirik, jendearen artean ere eskas eta behar hori bazela gauza ezberdin bat ikusteko, sexualitatea askatzeko, generotik haratago joateko, ez bakarrik LGBTQIA+ pertsonen artean, baita hetero munduan ere.
"Egia da Quebecen askatasun bat aurkitu nuela, baina beti banuela euskal izatea egunerokoan bizitzeko eskasa"
LGBT+ kolektiboari lekua eta hitza eman nahi izan diozue barnealdean. Hiri handietatik urrun, zailagoa al da aske desiratzea?
Aurreiritzi hori gainditu behar dugula uste dut. Ez dut pentsatzen batean edo bestean gogorragoa denik norbere homosexualitatea bizitzea. Hirigunean ere egon zaitezke familia biziki hertsi batean eta barnealdean edo baserri batean giro biziki ireki batean. Lana dago egiteko, bai hirian bai baserri gunean. Gu baserri giroan hazi gara, hemengo kodeak ditugu, eta gauzak aldatu nahi ditugu gurean, gure herrietan. Hori bezain sinplea da.
Ipar Euskal Herritik jende asko joan al da gune metropolitanoagoetara, askatasun egarri?
Nire kasuan adibidez, Euskal Herritik ateratzeko beharra sentitu nuen, atzerrira hiri handi batera joatekoa: Montrealen izan nintzen, eta egia da Quebecen askatasun bat aurkitu nuela, baina beti banuela euskal izatea egunerokoan bizitzeko eskasa. Azkenean, biak batzea delako egin nahi duguna, hemen bizi ahal izatea gure kultura eta hizkuntzarekin, eta izan nahi dugun bezala bizi ahal izatea, askatasun handiagoarekin.
"Biak batzea da egin nahi duguna, hemen bizi ahal izatea gure kultura eta hizkuntzarekin, eta izan nahi dugun bezala bizi ahal izatea, askatasun handiagoarekin"
Bide horretan urrats inportantea da LGBTQIA+ sare bat sortzen ari dela Ipar Euskal Herrian.
Baina modu oso xumean. Barnealdean errealitate berdina bizi dugunok elkartzeko eta biltzeko gogoz gara, eta saretzen gara Bekat’Uros bezalako egun baten bueltan, Euskal Herriko jende queer-a ezagutzeko aukera dugu halakoetan. Gure kolektiboa, jakina, kolektibo irekia da, eta pertsonarik bada interesatuta, etor dadila gurekin solastatzera, bizipenak partekatzera…
LGTBIQ+ Komunitatearen Nazioarteko Eguna dela eta, hainbat kolektibok deituta sexu askapena eta harrotasuna aldarrikatu dituzte larunbatean Euskal Herriko hiriburuetan eginiko manifestazioetan. Loratuz Lotu, Anitzak, Lumagorri eta Sumin Trans taldeek jaso dute Ehgamek... [+]
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]