Nafarroan chemsex-ari erantzun koordinatu bat emateko baliabideen eta agenteen beharra mintzagai
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Chemsexa zenbait ordu edo egunez sexu harremanak izateko drogak –substantziak– kontsumitzean datzan fenomeno soziokultural bat da. Testuinguru kultural eta komunitate jakin baten barruan ematen da eta erabiltzaileen artean elkar ulertzeko zenbait kode daude. Bereziki gizonen arteko harreman sexualak izaten dira. Sare Elkarteko Leticia Remón Serratek azaldu du “estigma handia” duen eta “oso ikusezina” den fenomenoa dela. Horregatik, gaiaz mintzatzeko solasaldiak antolatu dituzte, urriaren 28an, goizeko 9:00etatik 14:30era, Iruñeko Civicanen.
Interesa duen edonori zuzenduta daude jardunaldiak, eta nahi duenak sare@pangea.org helbidera mezu bat idatziz edo 948384149 edo 685670130 telefonoetara deituz eman dezake izena. Halere, arreta berezia jarri nahi dute gizarte eta osasun arloko profesionalengan: “Mediku batzuek badakite zer den chemsexa, baina beste askok ez. Horregatik, garrantzitsua da bereziki lehen mailako arretako langileek gaiarekiko sentsibilitatea izatea, entzutea eta epairik gabe jokatzea”.
Ertz askotatik landu daiteke gaia; hala nola osasun mentaletik, aniztasun sexu-generotik, maskulinitateetatik, zaintzatik eta motibazioetatik. “Jardunaldien helburua da Nafarroan chemsexari erantzun koordinatu bat emateko baliabideak eta agente klabeak lantzea”, esan du. Horretarako, besteak beste, Bartzelonako Chemsex Suport zerbitzuko eta Stop GKEko kideak gonbidatu dituzte: “Euren esperientzia ezagutu nahi dugu, oso polita izan delako. Oso garrantzitsua da praktika eta esperientzia onak izan dituzten kideak inspirazio iturri izatea”. Izan ere, lurralde bakoitzak tokian tokiko beharrak dituen arren, beste lurraldeetan landuriko gauzak lagungarriak izan daitezke eta elkarrekin lan egiteko balio dezakete.
“Chemsexa, berez, ez da praktika bat arazoak sortzen dituena, baina osasun afektiboan, emozionalean, lan osasunean eta harremanetan eragin dezake. Horrez gain, norberaren zaurgarritasunaren arabera, patologia batzuk aktibatu ditzake”, azaldu du. Hortaz, chemsex erabiltzaileekin lan egiten duten agente guztien arteko sare koordinatu bat eraikitzeko klabeak landu nahi dituzte.
Jardunaldietan profesionalek zein chemsex erabiltzaileek hartuko dute parte, eta ez dute soilik begirada edo fokua erabiltzaileengan jarri nahi: “Garrantzitsua da ere profesionalok barrura begiratzea eta aztertzea nolakoak garen drogekiko, sexuarekiko eta beste gauza batzuekiko. Nahitaezkoa da epairik gabeko begirada izatea; bestela ezinezkoa izango da konfiantzazko espazio eroso bat sortzea”.
Garrantzitsua da lehen mailako arretako langileek gaiarekiko sentsibilitatea izatea, entzutea eta epairik gabe jokatzea
Iazko bidetik
Ez da gaia mahaigaineratzen duten lehen aldia, iaz ere antolatu zituzten jardunaldiak (ARGIAn kontatu genuen). Iazko xedea zen chemsexa ikusaraztea eta Nafarroako osasunean izan zezakeen eragina aztertzea. Izan ere, Carlos Ibero medikua eta Nafarroako Ospitaleko gaixotasun infekziosoen espezialistak detektatu zuen ospitalera iristen ziren hiesa kasu berrien %20-30 artean chemsex erabiltzaileak zirela.
Duela hamar urte baino gehiago Nafarroan zabaldu den praktika izan arren, egun, oraindik, “oso ezezaguna” dela dio. Horregatik, iaz, Ehgam Nafarroa eta Fenix Elkartearekin batera Nafarroako egoera aztertzeko inkesta bat egiten zuten. Guztira, 67 gizonek hartu zuten parte: "Ematen du gutxi direla, baina ez da erraza jendearengana iristea. Ondorioztatu genuen berezitasun batzuk izan arren, beste lurralde batzuekin alderatuta emaitzak antzekoak direla".
Hilabeteetako aldarrikapena izan da, haur eta gazteentzako psikiatria zerbitzua bertan behera geratu zenetik Donostiara joan behar izan baitute Bidasoaldeko familiek, eta Donostiako zerbitzua gainezka zegoela salatu dute behin baino gehiagotan.
Urteak daramatzate salatzen administrazio publikoak “albo batera begiratu beharrean” tratamendu “integrala” eman beharko lukeela.
Uda sasoian hamalau egunetan baino ez dute medikurik izan herrian, “inoiz baino jende gehiago” biltzen den egunetan, hain zuzen. Osakidetza “gainbeheran” dagoela salatu du udalak, eta herritarrak mobilizatzera deitu ditu.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.