ARGIA.eus

2022ko irailaren 25a

Grebari ekin diote Nafarroako Gureakeko langileek

  • Hitzarmenari buruzko elkarrizketak blokeatuta daudela salatu dute beharginek, eta, besteak beste, soldatak KPIaren arabera igotzea exijitzen dute. Hiru egunez egongo dira greban.

Argazkia: @LABszkNafarroa
Gedar Langile Kazeta @GedarLangileKZ
2022ko irailaren 22a
Albiste hau Gedar Langile Kazetak argitaratu du eta Creative Commons BY-SA 2.0 lizentziari esker ekarri dugu.

Greban daude Nafarroako Gureak enpresako langileak. Asteazkenean hasi dituzte lanuzteak, eta ostegunean zein ostiralean ere joko dute grebara. Beharginek modu horretan salatu nahi dute blokeatuta dagoela enpresako lan-hitzarmenari buruzko negoziaketa, eta gogorarazi dute hainbat exijentzia egin dituztela lan-baldintzei dagokienez. Nagusiki, soldatak Kontsumoko Prezioen Indizearen (KPI) arabera igotzea eskatzen dute, baita udan lanean jasaten dituzten tenperatura altuak direla-eta neurriak hartzea ere. Muntaia-lerroetarako zuzendaritzak ezarritako lan-denborak oso laburrak direla ere seinalatu dute.

Oraingoz, dena den, zuzendaritzak uko egin dio langileen eskaera nagusiak onartzeari. Horren aurrean, langile batzordeak —UGT, LAB eta ELA sindikatuek osatzen dute— salatu du enpresak laguntza handiak jasotzen dituela Espainiako Estatutik nahiz Nafarroako Gobernutik, lantokiaren izaera dela-eta. Azpimarratu du 360.000 euroko irabaziak dituela, eta %5 txikiagoa dela langileen soldatetara bideratzen den zenbatekoa.

Sindikatuek jakinarazi dute, gainera, zuzendaritzak biltzera deitu izan dituela beharginak, modu "nahasgarrian" langileak "hertsatzeko" eta haiei presioa egiteko.

Kanal hauetan artxibatua: Langile borroka  |  Nafarroa

Langile borroka kanaletik interesatuko zaizu...
2022-09-23 | ARGIA
Osasunbideko 350 langile kaleratu dituzte Nafarroako Gobernuak eta Osasun Departamentuak

LAB sindikatuak salatu duenez, kudeaketa kaxkarra dela-eta Osasunbidea zerbitzuko 350 langile kaleratu ditu Nafarroako Gobernuak. Mobilizazioak egingo dituzte irailaren 30ean.


2022-09-23 | ARGIA
EAEko Hezkuntza Legeari xedapen gehigarri hauek proposatuko dizkio LABek

EAEko Hezkuntza Legeari xedapen gehigarriak aurkeztu dizkio LAB sindikatuak lau alorretan. Urriaren 6rako mobilizazioa deitu du Gasteizen, "Euskal Eskola Publiko eta Komunitarioa helburu, Hezkuntza Legea bide horretan trantsiziorako legea izan dadin, eragiten... [+]


Hondarribiko ikastetxeetako garbitzaileen gatazka konpontzeko borondate falta leporatu diote gurasoek Udalari

Ikasturtea greban hasi dute Hondarribiko udal eraikinetako garbitzaileek, zerbitzua ematen duen enpresak haien eskaerei entzungor jarraitzen baitu. Talaia eskolako gurasoak kezkatuta daude: ikasgeletan zikinkeria pilatzen ari da eta psikomotrizitate gela itxi behar izan dute... [+]


2022-09-22 | ARGIA
Ipar Euskal Herriarentzat kalitatezko osasun-sare publikoa eskatu du LABek

Zuberoa, Nafarroa Beherea eta Lapurdin abenduaren 8an iraganen diren funtzio publikorako hauteskundeetan aurkeztuko da sindikatua.



Irakurrienak
Argia buletina
Egunaren laburpena
zure e-postan
Eguneraketa berriak daude