Greba mugagabean daude Tubacexeko langileak
Hiru egun daramatzate greba mugagabean Tubacexeko Amurrio eta Laudioko lantegietako langileak, enpresak 150 pertsona kaleratu nahi dituelako. Mobilizazio ezberdinak egin dituzte azken egunetan eta ekimen gehiago egongo direla adierazi dute.
150 kaleratzeen aurka, greba mugagabea hasi dute astelehen honetan Tubacexeko langileek. Zuzendaritzak pasa den astean iragarri zituen kaleratzeak eta bi eguneko greba hasi zuten ostegunean. Astelehen honetatik aurrera, berriz, Amurrio eta Laudioko plantetako langileak greba mugagabean daude.
Langileek, mozorroturik eta haur eta familiekin batera jaso zituzten enpresako zuzendaritzako kideak astelehenean. Kaltetutako langileen atzean familiak ere badaudela erakutsi nahi izan diete.Greba mugagabearen bigarren egunean, zuzendaritzako kideen autobusaren aurrean jarri ziren zenbait kide sarrera galarazteko eta tentsio uneak egon ziren goizaldean. Ertzaintzak korridoreak osatu zituen, baina ez zen kargarik egon.
Datozen egunetarako mobilizazioak aurreikusten dituztela adierazi du Enpresa Batzordeak, lan gatazkari ikusgarritasuna emateko asmoz. Gaur fabriken aurrean bilduko dira kotxe karabanan eskualdean barrena abiatzeko eta datozen egunetan Laudion eta Amurrion barrena arituko dira.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.