Greba egunetan kontratazioak egin direla salatu dute Huerta de Peralta enpresako langileek
27 egun eman dituzte jadanik greban Azkoiengo enpresako langileek. Epe honetan Huerta de Peralta enpresak kontratazioak egin dituela salatu dute, greba eskubidearen kontrako neurria hain zuzen. Adierazi dutenez 30langile berri daude egunotan lanean. Bestetik, grebaren jatorria diren 9 kaleratzeak argudiorik gabe direla adierazi dute epaileek.
Greba egun gogorrak prentsaurrekoan langileek azaldu dutenez, kalean, protestan, poliziaren oldarraldiak pairatzen eta azken egunotan, hotz gordina sufritzen. Hala ere, sendo daudela diote, elkartasuna handia delako eta sustengo mezu aunitz jasotzen dituztelako. Azken egunotan gainera bultzada jaso dute epaitegietatik ailegatu zaizkien erabakiekin. Enpresak dionaren kontra, grebaren jatorria diren 9 kaleratzeak, inprozedenteak direla esan baitute epaileek. Ez da auzitara eraman duten gai bakarra. Greba egun hauetan, enpresak kontratazioak egin dituela salatu baitu LAB sindikatuak, 30 pertsona gutxienez, greba eskubidearen kontrako neurria hain zuzen.
Datorren larunbat arratsaldean manifestazioa eginen dute Iruñean, gatazka erabat blokeatuta dagoen une honetan, konponbidea eskatzeko. LAB sindikatuak, inplikazioa eskatu die instituzioei, ez soilik gatazkan bertan ematen diren gehiegikeriak bertan behera gera daitezen baita behingoz, enpresa akordio batetara iristeko bultza dezaten.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.