Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Aste honetan jakinarazi du La Directa hedabideak herri mugimenduetan infiltratutako beste polizia baten berri: Daniel Hernàndez Ponsek hiru urte eman zituen Bartzelonako mugimendu sozialetan murgildurik poliziarentzako informazioa lortzeko asmoz. Horretarako harreman sexu-afektiboak bilatu zituen ekintzaileekin.
Kasu hori eta haren gisakoak justifikatzen ditu Espainiako Barne Ministerioak, "mugimendu independentistak eragin ditzaken arriskuak gelditzeko beste metodorik ez dagoela". Ser kateak ostegunean eman du adierazpenok jasotzen dituen dokumentu ofizialaren berri.
Fernando Grande Marlaskaren ministerioaren arabera "zilegizkoa eta egokia" da polizia agentea ordezko nortasunarekin infiltratzea. Mugimendu independentistak "ahalik eta eragile gehienen kolaborazioa bilatzen du", eta horrela lortu denek "Kataluniaren legez kanpoko independentziaren alde ekintza biolentoak egitea", argudiatzen dute.
La Directa-k iazko ekainean eman zuen Bartzelonako beste infiltrazio kasu baten berri. Orduan elkarrizketatutako ekintzaileek azaldu zuten polizia agenteak ordezko identitatea zuela, eta NAN faltsu hori Barne Ministerioak edota CNI Espainiako Inteligentzia Zentroak soilik eman dezaketela.
Ostegunean argitara emandako dokumentua 2022ko abuztuaren 10ekoa da. Barne Ministerioak jarduera sistemikoa dela iragartzen du: "Halako infiltrazioak denbora luzeko kontua izaten dira, iraunkorrak. Inteligentzia Zerbitzurako beharrezko informazioa ematen dute, eta hori ezin da beti bide tradizionaletatik lortu", adierazten du.
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]