Euskal presoek bigarren graduko espetxealdira pasatzeko egin dituzten 69 eskakizunetatik 66 baztertu dituzte

  • Salbuespen eta behin-behineko egoerarako zehazturik dagoen lehen graduko espetxealditik presoak ateratzeko prozesuak blokeaturik jarraitzen du. Azken hiru hilabeteetan eskakizun bakarra onartu da eta 23 baztertu.


2019ko urtarrilaren 30 - 14:38
Inoiz baino beharrezkoagoak dira eskuin muturraren gezurrei
aurre egingo dieten hedabide independenteak

Lehen graduko espetxealditik bigarrenera pasatzeko urtarrilaren 21a arte euskal presoek egin dituzten 69 eskakizunetatik 66 baztertu dituzte, Gara egunkarian irakur daitekeenez.

Espainiako Gobernuko Barne ministro Fernando Grande-Marlaskak espetxe politika pixkanaka irekitzearen aldeko adierazpenak egin dituen arren, ez da aldaketa errealik izan azken urte erdian.

Foro Sozialak uztaila eta iraila bitartean egin zuen azterketaren arabera, 46 eskakizunetatik 44 baztertuak izan ziren orduan ere. Oraingo datuen portzentaje berbera, hain zuzen.

Presoen Batzordeko datuek erakusten dutenez, euskal presoen %60ak hamabost urte baino gehiago daramatza kartzelan eta ia guztiak lehen graduko espetxealdian daude.


Espetxe politika kanalean gehiago
Eguneraketa berriak daude
Kontsultatu Hemeroteka berria
1919tik gaur arteko aldizkari guztiak online
150.000 orrialdetik gora dira, euskaraz eta Euskal Herriari idatziak. Mende bat baino gehiagoz, Euskal Herriko historiaren lekuko eta euskal kazetaritzaren eragile izan da ARGIA. Ondare hori euskal komunitate osoaren zerbitzura jarri dugu lizentzia libreekin.