Jose Mari Erdozain Portugaleteko zinegotzi ohi eta jubilatuak lau eguneko gose greba abiatu du, urtarrilaren 4tik 8ra bitartean. Kalera Kalera ekimenari “bere ekarpena” egiteko asmoarekin hasi du.
Asteazken arratsaldean aurkeztu zen prentsaurrekoan eta 19:30etan abiatu. Amaiera igande eguerdiko 12:30etan emango zaio kontzentrazio batekin. Erdozain Portugaleten sortu berria den Kalera Gunean egongo da egunotan. Gune horrek elkartzeko leku eta dinamika aditzera emateko espazio izan nahi du antolatzaileen esanetan: “Herriko eragile politiko, sindikal eta sozialekin harremanak egiteko lekua da”.
Eskubide sozial eta indibidualak “zapalduta” daudela azaldu du Erdozainek: “Egun biolentzia eta bortizkeriak bere horretan jarraitzen du”. Ekimenen beharra azpimarratu nahi izan du, gizarte “desaktibatu” batean bizi baikara, bere iritziz.
Kristau komunitateko eta Herria 2000 eliza aldizkariko kideak 70ko eta 80ko hamarkadetan presoen aldeko gose grebak egin zituen, baina azaldu duenez ez zuen espero “ETAk borroka armatua utzi eta bost urtera, egungo egoeran egongo ginenik”.
Espainiako eta Frantziako estatuetan dauden euskal presoei elkartasuna adierazteko asmoz abiatu du gose greba. “Horiek guztiek, bakean eta elkarbizitzan aurrerapausoak emango direla uste dute herri bezala gatazkaren konponbide globala ematen bada”, azaldu du.
Azkenik, konponbidearen bidean konpromisorako deia luzatu du, sentsibilitate desberdinetako pertsonek parte har dezaten.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.