Gorka Urtaranek ezetza eman dio Batera Zaindu sarearen elkarlan proposamenari

  • Gasteizko zaintza sare herritarrak bilera eskatu zion iragan astean Gasteizko udal gobernuari, baina alkateak ez du eskaera aintzat hartu. Gorka Urtaranek Eusko Jaurlaritzak zuzentzen duen sarera jotzea proposatu dio Baterari. “Komunitatean elkar zaintzen” jarraituko duela adierazi du sareak.


2020ko apirilaren 01an - 15:29
Gorka Urtaran Gasteizko alkatea. Argazkia: Gasteizko Udala.

Iragan ostegunean gutun bidez proposatu zion Baterak Gorka Urtaran alkateari bilera egiteko, hiru helbururekin: udalarekin eta zerbitzu sozialekin koordinazio formal bat ezarri, gabezien eta beharren argazkia osatu eta, herri eragileen eta instituzioen arteko elkarlanaz hitz egin. Ezetza jaso du sare herritarrak, eta asteazkenean Urtaranekin izandako kontaktuen informazioa eta horren aurreko irakurketa plazaratu du.

Baterak azaldu duenez, Urtaranek ostegun arratsaldean bertan erantzun zien. Ekimena begi onez ikusten zuela adierazi zien, baina Eusko Jaurlaritzak zuzentzen duen sarea dagoela gogorarazi eta “zerbait behar izatekotan” bertara jotzea proposatu zien. Bileraz aipamenik ere ez zien egin.

Baterak azaldu du ez duela egoki ikusten Eusko Jaurlaritzaren sarean integratzea. “Boluntariotza instituzional” horretan izena emateko prozesua geldoegia dela adierazi du, EAEko dimentsioaren aurrean Gasteiz mailakoa eta “atariz-atarikoa” eraginkorragoa dela defendatu du, eta Jaurlaritzaren perspektiba “asistentziala” dela kritikatu.

Komunitatean elkar zaindu

Berriz ere zuzendu zitzaion Batera alkateari, baina Urtaranek ez du bilerarik onartu. Zaintza sareak “tristeziaz” jaso du ezetza. Konfinamenduaren hirugarren astean gaudela udal politiketan inprobisazioa nagusi dela adierazi du, eta gasteiztar zaurgarrienak egoera latzean direla. Zentzu horretan, elikagai bankua itxita egoteak edo oinarrizko zerbitzuetara joz gero zita 15 egunetara emateak sortzen duen babesgabetasuna azpimarratu du.

Krisiak zaintza beharrak larriagotu dituela uste du Baterak, baina behar horiek aurretik ere bazirela. Eztabaidak zabalik jarraitzen du, haren irudiko: "Zaintzak gure gizartean izan behar duen garrantziaz eta betetzen duen funtzioaz”. Bien bitartean, lanean jarraituko duela iragarri du zaintza sare herritarrak: “Komunitatean elkar zaintzen jarraituko dugu. Elkar zaindu dezagun”.

 

 

 

 


Kanal honetatik interesatuko zaizu: Covid-19 eta erantzun soziala
2022-02-15 | Estitxu Eizagirre
Pediatrek ikastetxe barruetan maskarak kentzea eskatu dute, modu progresiboan

Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]


Bizitza

Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]


2022-02-01 | Estitxu Eizagirre
Covid pasaportearen auzia Zarauzko Udaleko osoko bilkurara eraman dute hainbat herritarrek

Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]


2022-01-24 | Garazi Zabaleta
Lurre Hurre
Migratzaileak nekazaritzan trebatzeko proiektua Bermeon

Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]


2022-01-11 | Joseph Andras
Pase poliziakoa: ezkerraren amore emate bat

Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]


Eguneraketa berriak daude