Gona eramateagatik eskolako psikologoan bukatu du Mikelek

  • 15 urteko mutil bilbotarrak aspaldiko desioa bete zuen urriaren 27an: eskolara gona jantzita joatera ausartu zen, baina ikaskideen irainak jasateaz gain, hirugarren ordurako ikastetxeko psikologora bidali zuen irakasleak. Psikologoak, ikasleari galdetu ostean bere burua mutil ala neskatzat ote duen, gona kentzera animatu zuen. Norbera den bezalakoa azaltzeko beldurrak albo batera uzteko eskatu du Mikelek.


2020ko azaroaren 09an - 08:40

Kode sexistetan oinarrituriko janzkeraren aurka, ikasle mutilek gona janzteari ekin zioten urrian Kanadako hainbat ikastetxetan. Mugimendu hori aprobetxatu zuen nerabe bilbotarrak, bere betiko nahia betetzeko. Ikaskideen begirada eta esamesak sufritu zituen lehenengo, eta matematikako ikasgaiaren erdian psikologora bidali zuten gainera. Psikologoak galdetu zion mutil ala neskatzat duen bere burua, eta gero esan zion ez al zuen hotzik, ez ote zuen hobe gona kentzea.

Gertaturikoa kontatu du Mikelek Tik Tok sare sozial famatuan, eta erantzun zaparrada itzela izan du. Gona jantzita daramatela, Mikeli babesa adierazi eta arropak ez duela generorik aldarrikatu du milaka lagunek.

“Hau ez da moda bat”

Arrakastak arrakasta, ez dela moda bat nabarmendu du gazteak, diren bezala azaltzeko askok duten beldur sentimenduaren isla baizik, gizarteak ez duelako onartzen arautik ateratzen dena. “Beldurra izatea normala da, denok dugu beldurra, baina beldur hori gainditzea da erronka”, dio Mikelek.

Gaiari lotuta:

Semeak soinekoak janzten ditu eta ongi iruditzen zait

 


Kanal honetatik interesatuko zaizu: Generoa
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Euskarazko Wikipedia genero desoreka gainditzeko lanean

Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Eguneraketa berriak daude