Glovo soldatak erdira jaisten ari dela salatu du banatzaileen sindikatuak
Salaketa Glovoko banatzaileen sindikatu Free Riders-ek egin du, zehaztuz Espainiako Estatuko Sevillan eta Valentzian banatzaileei irteerako ordaintzen zaiena erdira jaitsi dela. 2,50 eurotik 1,20 eurora. Gasteizen jaitsiera are eta handiagoa da, euro batera jaitsi baita.
Sindikatua datuak biltzen ari da estatu osoan eta Robert Castro kolektiboko abokatuak El Salto hedabideari adierazitakoaren arabera, jaitsiera hori hiri askotan ematen ari da apurka. Horren aurrean sindikatuak datorren astebururako greba deia egingo du: "Gure denbora eta lana ez dugu modu horretan oparituko. Asko dugu jokoan kaleetan. Protesta moduan, 18an eta 19an ez dugu lanik egingo. Glovok gure patrikekin jolastu nahi du? Ekimen honetan parte hartuko duten rider guztiekin, kolpea biderkatuta itzuliko diogu. Badakigu gutxiengo batek ez duela bat egingo, eta hauentzat egun hauek aukera bat izango direla. Baina ez ezazue utzi euro batzuk gehiagoren truke izorra zaitzaten. Nahikoa da esateko ordua da. Gogora dezagun Globo dena bada, hori gure esker dela".
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.