Gladys Del Estal ekologista donostiarra Tuterako jaialdi baketsu batean tiroz hil zuen guardia zibil batek; 41 urte beteko dira asteazken honetan. Tuteran elkarretaratzea egingo dute asteazkenean bertan, Bardenas Antimilitaristas kolektiboak deituta, eta Donostian larunbaterako antolatu dute omenaldia Eguzki eta Gladys Gogoan taldeek.
José Martínez Salas guardia zibilak buruan tiro bat jo zion Gladys Del Estal ekintzaile donostiarrari 1979ko ekainaren 3an, Tuteran antolatu zen jaialdi antinuklearrean. Asteazken honetan, elkarretaratzea antolatu du Bardenas Antimilitaristas kolektiboak Tuterako Ebroko zubian. Lore bana eramateko eskatu diete parte-hartzaileei.
Larunbatean berriz, ekintzailearen izenez ezagutzen den parkean bilduko dira Donostiako Egia auzoan, 12:30ean. Aurreskua, lore-eskaintza eta abestiak prestatu dituzte, eta ohi baino laburragoa izango da ekitaldia, distantziak mantenduz, koronabirusa dela-eta.
Antolatzaileen hitzetan, “zigorrik gabe geratu zen bidegabekeria hura” ezin da ahaztu eta gainera, aitortza ofizialik ez dela iritsi salatu dute. Del Estal Tuterako manifestazioan parte hartzera eraman zuten arrazoiak egungo krisiak areagotu baino ez dituela egin eta “ingurumena eta pertsonak gehiago errespetatuko dituen ekoizpen, kontsumo eta bizimodu aldaketa” baten beharra dagoela gogorarazi dute.
Guardia zibil hiltzailea, kondekoratua
Epaileak arduragabekeriaz jokatu eta heriotza eragiteagatik 18 hilabeteko gutxieneko zigorra ezarri zion Martínez Salas guardia zibilari –Espainiako Auzitegi Gorenak 1984an berretsi zuen kondena– eta ez da segurua espetxean egonaldirik egin ote zuen. ARGIAk jaso genuenez, zigortua izan eta bi hilabete eskasera guardia zibila kondekoratu egin zuten.
Del Estalen hilketak piztu zuen erreakzioa nekez ahaztuko dute askok: greba orokorrak geldiarazi zuen Euskal Herria, eltze antinuklearrak gainezka egiteraino. Urko Apaolazak sakon landu zuen gaia Eguzkiaren alaba hil ziguten erreportajean.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]