"Gladys Del Estal ez da bigarren mailako biktima bat"
Gladys Gogoan ekimenak, Kalapie elkarteak eta Eguzkik bizikleta martxa egingo dute Donostian ekainaren 1ean, militante ekologista hil zutela 40 urte betetzen direnean. Horrez gain, egitarau zabala antolatu dute, Donostian, Iruñean eta Tuteran.
Gladys Del Estalen lagunek eta elkarte ekologistek urtero antolatu ohi dituzte militante antinuklear eta bakezalea omentzeko ekitaldiak. Aurtengo egitaraua berezia da ordea, 40 urte igaro baitira guardia zibil batek buruan tiroa jota hil zuela Tuteran.
Ekainaren 1ean hasi eta asteburu osoan luzatuko dira ekitaldiak. Donostian bizikleta martxa batekin hasiko dira. Hain justu, duela 40 urte Gladys Del Estalek antolatu zuen haurrekin antzeko martxa bat, bera hil baina egun bat lehenago; ordukoa dugu hil aurreko bere azkeneko argazkia. Herri bazkari batek segida emango dio ekitaldi horri.
Horrez gain, EHUko informatika fakultatean erakusketa bat jarri eta omenaldia egingo diote –gela batek bere izena eramango du hemendik aurrera–, han ikasi baitzuen ekologista donostiarrak. Eta Tuteran, urtero legez, tiro eremuaren kontrako martxan gogoratuko dute. Programazio guztia hemen ikus daiteke.
1979ko aldarrikapenak bizirik: nuklearren eta armen kontra
40. urtemugaren adierazpenean, Gladys Gogoan ekimenak nabarmendu du 1979ko aldarrikapenek indarrean dirautela. Hala, Garoñako hondakin nuklearrek Ebroko urak eta Erriberako ortuak mehatxatzen jarraitzen dutela diote, eta Bardeetako tiro eremua ez da itxi.
“Gladys Del Estalen oroimenak, bizia defendatzearren paradoxikoki hil zen emakume gazte baten memoria horrek, ekofeminismoaren baloreak aitortzeko eta sakontzera deitzen digu, energia nuklearrik eta armarik gabeko bizitza aldarrikatuz”, diote adierazpenean.
Adierazpen berean garbi utzi nahi izan dute Gladys Del Estal ez dela “bigarren mailako biktima” bat eta senide eta lagunek eskubidea dutela Estatuak egindako mina aitortu dezan.
Gogorarazi dute, bera hil zuen guardia zibilak bi kondekorazio jaso zituela, bata 1982an eta bestea 1992an –lehen kondekorazio horren berri ARGIAn egindako ikerketa baten bidez jakin dugu–. “Egin dituen akatsak aitortzeko eta konpontzeko Estatuak duen interes faltak Gladys Del Estalen oroimena mantentzera bultzatzen gaitu”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Irun eta Hondarribiko Udalei birziklatzea sustatzeko neurriak hartzeko eskatu diete.
‘Nolako abeltzaintza nahi dugu Euskal Herrian?’ galderatik abiatuta, mahai ingurua izango da Beasaingo Igartzan.
'Eguzkiaren gaineko zerga' kendu zuen urrian Madrilgo gobernuak, eta autokontsumorako bidea errazteko hainbat neurri hartu dira azken hilabete hauetan. Autokontsumoak dakartzan onurez hitz egin dugu Goiener kooperatibako Xabier Loiarte teknikariarekin.
"Egun bat Bolintxu salbatzeko" izeneko jardunaldia antolatu dute maiatzaren 11n, larunbata. Jardunaldi honetan era guztietako jarduerak egingo dituzte: informatiboak, jolaskoak eta aldarrikatzaileak, Bilboko bailara horren egoeraz kontzientziatzeko.
Testuingurua eta mentalitateak aurka izanda ere, gauzak alda daitezkeela frogatzen digun pertsona dugu Jean-François Caron. 1855ean herriko lurpeetan ikatza kausiturik, hamarkada luzeetan meatze-industriari osoki bideratua izan da Frantzia iparreko Loos-en-Gohelle herria. Ekonomiaren izenean, ingurumena eta meatzarien osagarria suntsituz. Bertako auzapeza dugu Caron, herritarrak konbentziturik, hauekin eskuz-esku trantsizio ekologikoa errotzen dabilena.
Environmentalist Gladys Del Estal was killed by a member of the Civil Guard at an anti-nuclear festival in 1979. The officer was sentenced to 18 months in prison, but shortly afterwards before serving his sentence he was awarded a medal. Del Estal has become a symbol of environmentalism, and her death an example of impunity.
Justiziarik ezak elikatzen du oroimena. Zenbat eta injustuagoak izan zauriak orduan eta gehiago gogoratzen ditugu eta daramatzagu bihotzean haiek jasan zituztenak. Gladys Del Estalekin antzeko zerbait gertatzen zaigu, lehen minututik sumatu baitzuten herritarrek heriotza bidegabe baten aurrean zeudela, heriotza bidezkorik existitzen bada. 1979ko ekainaren 3an hil zuen guardia zibil baten subfusilak ekintzaile ekologista Tuteran, bilkura bakezale batean zela, eta hilketa horrek piztu zuen... [+]
Uriola.eus agerkaria digitalean ageri bezala, Ekologistak Martxanek deitua herritar multzo bat Euskalduna Jauregiaren aurrean elkarretaratu da enpresak "lan-baldintzei eta ingurumenari dagokienez egindako sarraskiak" salatzeko, “Euskal Herriak Kapitalari Planto!” ekimenaren baitan,
