Giza Eskubideen urratzaileak salatzeko sareko ekimena

  • Punto y Seguido herri ekimenak sarean bildu nahi du “torturatzaile, zapaltzaile eta Giza Eskubideen kontrako kriminalen inguruko informazioa”. Kaosenlared webgunean adierazi dutenez, wiki bat sortu dute horretarako. Nahi duenak salaketa berriak egin ditzazke edota aurretik aipatutako kriminal baten informazioa aberastu. Ekarpenak anonimoak dira.


2013ko ekainaren 04an - 00:00
Azken eguneraketa: 2015-02-26 13:37:33
Hainbat naziotako legedia ere bildu dute wikian (Argazkia: antiguaymedieval.blogspot.com) )

Salatuak nazioarteko auzitegietara eramateko baliatu nahi dute lortutako informazioa. Auzi horiek aurrera egingo ez balute ere, “erantzuleak seinalatu eta lotsarazi” behar direla azpimarratu dute. “Espainia eta Latinoamerikako diktaduren garaiko krimenak zein gaur egungoak izan daitezke”.

Ekimena espainieraz burutu izanagatik, beste hizkuntza batzuetan mintzo diren herrialdeetan antzeko proiektuak zabaltzeko itxaropena adierazi du Punto y Seguidok. “Elkarbanatu dezagun informazioa zigorgabetasunaren aurka, historia errepika ez dadin”.

 


Kanal honetatik interesatuko zaizu: Oroimen historikoa
Frankistek fusilatutako Modesto Manuel Azkona Garaicoechea Arabako Diputatu eta Saratxoko bizilagunaren gorpua identifikatu dute

Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.


Jesús Carrera, frankistek torturatu eta fusilaturiko buruzagi komunistaren bizitza pantailara

Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]


“Ezin da kontsulta baten emaitzetatik erabaki Iruñeko Erorien Monumentuaren etorkizuna”

Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]


Eguneraketa berriak daude