Giza Eskubideen Batzordera eraman nahi dute eskola-segregazioaren gaia
Eskola-segregazioa hezkuntzatik harago gizarte osoa inplikatzen duen gaia dela eta giza-eskubideak urratzen direla sinetsita, Eusko Legebiltzarreko Giza Eskubideen Batzordean agerraldia eskatuko du Steilas sindikatuak.
Berriki, eskola-segregazioari aurre egiteko 17.000 herritarren babesa lortu duen lege-proposamena iritsi da Legebiltzarrera. EAJ, PSE eta PPren kontrako botoek atzera bota dute proposamen herritarraren tramitatea eta eztabaida, baina gaiak bizi jarraitzen du. Orain, Giza Eskubideen Batzordean salatu nahi du Steilasek ghetto-ikastetxeak ahalbidetzen dituen eta maila sozioekonomikoaren arabera ikasleak segregatzen dituen hezkuntza eredua. Astearte edo asteazkenean egingo du sindikatuak eskaera ofizialki. Aferari modu integralean eta arlo guztietatik erantzun behar zaiola uste du Steilasek, eta ez dela nahikoa alderdi politikoek egoera zailagoan dauden ikastetxeei baliabide gehiago emango zaiela esatearekin.
Ikasturtea hastearekin batera, mahai gainean da hezkuntza segregazioa, eta soka luzea ekarriko du gaiak: herri-ekimen legegilea aurkeztu duen plataformak presio egiten jarraitzeko asmoa du, Ikastolen Elkarteak udazkenean aurkeztuko du bere proposamena gaiaren inguruan, eta ikusteko dago Jaurlaritzak aurrera atera nahi duen hezkuntza legean nola jorratuko duen eskola-segregazioa
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
A ereduko eskola D ereduko bihurtuko dute Gasteizko Judimendi auzoan, familia erdaldunen seme-alabei euskaraz ikasteko aukera emateko eta familia euskaradunak erakartzeko. "Estigmatizatuta dagoen eskola da eta buelta eman nahi diogu, auzo-eskolaren izaera berreskuratu nahi... [+]