Gipuzkoarren %10 aberatsenek soldaten %57 irabazten dute
Gipuzkoako langileen soldata eta laguntzen inguruko txostena osatu du Diputazioak. Azken hamar urteetan ezberdintasun sozialek gora egin dute: aberatsenek gehiago irabazten dute eta txiroenek gutxiago. 2008an irabazi handienak zituzten %10en soldatak 38,9 aldiz handiagoak ziren %10 txiroenek jasotzen zituztenak baino. 2016an aldiz, aldea 63,3koa izan da.
Txostenaren arabera, industrian 64.169 langile daude egun; 2005etik 21.642 lanpostu suntsitu dira hain zuzen. Zerbitzuek eta bereziki zerbitzu sozialek pisua irabazi dute, 71.092 langilerekin. Bigarren sektorerik handiena komertzioa, garraioak eta konponketak dira, 60.790 langilerekin.
Soldatei dagokienez, 2016 gipuzkoarrek 24.485 euro irabazi zituzten batez beste, sektoreka alde handia dagoen arren. Bankuetako langileek, adibidez, 44.378 irabazi zuten eta komunikazio eremukoek 33.176. Hirugarrenik, industriako langileek 30.164 euro jaso zituzten; azken urteetan lan hitzarmena ez berritzearen ondorioz izoztuak dituzte soldatak. Sektorerik prekarizatuena aisia eta zerbitzu pertsonalena da, turismoari lotuena dagoena, 13.356 euroko batez bestekoarekin.
Pentsioen batez bestekoa 17.312koa izan zen, eta langabezia laguntzak jaso zituztenena urtean 4.768 eurokoa.
2005 eta 2016 artean gipuzkoar langileen eros ahalmena bederatzi puntu jaitsi da. Hamabi urte hauetan prezioak %25,9 igo dira, baina soldatak %17,1 bakarrik.
Langile migranteei dagokienez, azken hamabi urteetan Gipuzkoara lanera etorri den kolektiboa %87 handitu da. Sektore kaltetuena da hau, Gipuzkoan jaiotako langile baten erdia kobratzen baitu.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Manifestari bat eta kazetari bat identifikatu dituzte larunbatean, etxegabeen aterpea ireki ez izana salatzeko udaletxearen aurrean eginiko kontzentrazioan. Udalaren "utzikeria" salatu eta honela adierazi dute igandeko prentsaurrekoan: “Geratzen zaigun aukera bakarra arazoari geuk heltzea eta kolektiboki erantzutea da”.
Pobreziari eta bazterketa sozialari aurre egiteko 51.000 herritarrek sinaturiko proposamena atzera bota zuten EAJ, PSE eta PPk joan den astean, Eusko Legebiltzarrean. Bizitza duina aldarrikatuz eta eztabaida publikoari aterik ez ixteko eskatuz, manifestazioa egin dute Bilbon.
Gipuzkoako Foru Aldundiarena da eraikina. Zarauzko Udalak hala eskatuta, azken zortzi urteetan etxegabeei aterpea emateko erabili da. Udalari erantzuteko eskatu diote joan den asteburuan.
Euskal Herriko Eskubide Sozialen Kartak aurkeztutako pobreziaren aurkako eta diru sarrerak bermatzeko errentaren aldeko Herri Ekimen Legegilea (HEL) atzera bota du Eusko Legebiltzarrak, "EAJk, PPk eta PSOEk entzungor egin ostean 51.000 herritarri", Steilas sindikatuak salatu duenez.
“Ikusten genuen hazkunde ekonomikoko fase batean egonik ere pobrezia eta bazterketa gora doazela”, dio Eskubide Sozialen Kartako kide Bea Martxuetak. Honen aurrean, 2018ko martxoan abiatu zuten Babes Sozialeko Sistema Publiko eta Kalitatezko Baten Aldeko Herri Ekimen Legegilea (HEL) Gasteizko legebiltzarrean, eta urrian hura babesten duten 51.000 herritarren sinadurak aurkeztu zituen Kartak. Talde politikoek proposamena otsailean eztabaidatu eta bozkatuko dutela aurreikusten da... [+]
2018. urtean aberatsen eta txiroen arteko arrakala are eta gehiago handitu da, Oxfam Gobernuz Kanpoko Erakundeak kaleratutako azken txostenaren arabera.
26.000 pertsona daude Nafarroan 355 euro baino gutxiagoko diru sarrerekin. Beste 86.000 pobrezia arriskuan dira, iaz baino %0,5 gehiago. Krisialdiaren ondorioak jasaten ari dira herritarrak oraindik. Nafarroako Bazterkeria eta Pobreziaren kontrako sarea larrituta dago, batez ere sortu berri den figura batengatik: pobrezian diren langileak.
Berri Otxoak plataformak, Barakaldoko Langabetuen Asanbladak, Argitan, ELA, LAB, STEILAS, ESK eta CNT sindikatuek antolaturik, Amaia Egañaren heriotzaren seigarren urteurrena oroitzeko kontzentrazioa egingo dute ostiralean, azaroak 9, Justizia Jauregiaren aurrean.
Urtean 30.000 ume hiltzen dira desnutrizioak eta aurrehartzeko modukoak diren gaixotasunek eraginda. Bost urtez azpiko 1,8 milioi haurrek desnutrizio larria pairatzen dute Haurren Laguntzarako Nazio Batuen Funtsak jakinarazi duenez eta Maan agentzian irakur daitekeenez.
900 bolondresek parte hartu duten gaueko kontaketan, etxerik gabe dauden 435 pertsona zenbatu dira, duela bi urte baino %56 gehiago.
