Gipuzkoako traktoreak ere atera dira kalera, EHNEk eta ENBAk, berriz, martxoaren 1erako deitu dute protesta
Traktore andana Donostia bidean da. Gipuzkoako hainbat nekazari eta abeltzain Gipuzkoako Foru Aldundiaren aurrean elkartuko dira haien aldarriak helarazteko. EHNE eta ENBA sindikatuekin adostu gabe antolatutako protesta da. Bi sindikatuek martxoaren 1erako deitu dute protesta eguna.
7:00etan atera dira traktoreak Gipuzkoako hainbat tokitatik eta asmoa Donostian Gipuzkoako Foru Aldundiaren egoitza aurrean elkartzea da. Lehen sektore duin baten alde lelopean antolatu dira.
Beste herrialde batzuetan gertatu den bezala, Gipuzkoan ere, WhatsApp talde baten bidez antolatu dira. EITBk Joseba Pagadizabal Aiako baserritarra elkarrizketatu du, mobilizazioa antolatu duenetako bat. Hark adierazi duenez, "sindikatuak ez zirela mugitzen ikusita", erabaki dute haien kabuz kalera ateratzea: "Itota eta larri gaude, eta gure egoera ikusaraztea nahi dugu".
Protestetan parte hartzen ari den baserritar gazte batek ARGIAri adierazi dionez, WhatsApp taldean aske antolatu dira nekazariak. Gauzak aldarrikatzeko beharra sentitu dute, ezin ziren zain egon, eta inguruan zabaldu den olatua baliatu beharra sentitu dute. Sektoreari ikusgarritasuna emateko aukera ikusi dute. Testigantza eman duen nekazaria ez da antolatzaile taldean aritu eta ondoko iritzia berea baino ez dela azpimarratu du. Bere ustez, Gipuzkoan sindikatuak ez ziren mugitzen, eta aldiz, ikusi dute Bizkaian nola atera diren kalera: “Han sindikatuak atera dira. Hemen esaten zuten gu ez geundela hain gaizki. Bai, gaizki gaude, guk ere arazoak dauzkagu. Geroz eta zailagoa da aurrera egitea eta etorkizun beltz hau ikusita, gauzak aldatzea nahi dugu. Ezin dugu horrela jarraitu”. Badaki EHNE eta ENBA martxoaren 1etik aurrera hasiko direla protestak egiten, eta azpimarratu du gaurko protestan parte hartutako asko egongo direla sindikatuen mobilizazioetan ere: “Ez gaude sindikatuen aurka, olatua baliatu nahi genuen”.
Noaua.eus hedabideak argitaratutako ondorengo bideoan traktoreak Urbil saltoki handian ageri dira, Usurbilen.
#Usurbil dik badoaz. Traktoreetan daramaten Gipuzkoako baserritarren protesta Donostiara bidean: pic.twitter.com/b4kYBCv5gs
— noaua (@noaua) February 12, 2024
Gipuzkoako EHNE eta ENBAk martxoaren 1ean hasiko dituzte protestak
Martxoaren 1eko protestan, sektorearentzat “ezinbestekoak diren neurriak eta politikak” mahai gainean jarriko dituzte. Ez dute egunaren zehaztasun gehiagorik eman hedabideei bidalitako oharrean. Gaineratu dute Euskal Herriko sindikatuekin hitz egingo dutela eta ondorengo egunetarako egutegi bat adosten ahaleginduko direla.
EHNEk eta ENBAk adierazi dute orain arte isilean aritu direla lanean, sektoreari eragiten dioten hainbat eragilerekin, eta “arazoak seinalatzetik haratago soluzioak planteatzen”. Bide horretan jarraituko dutela adierazi dute, “oraingoan, ordea, ez da isilean izango”.
Otsailaren 6ko protestetatik aldenduta
Bi sindikatuek informazio-oharrean azaldu dute otsailaren 6rako deitu ziren mobilizazioetatik aldendu nahi izan dutela. Haien ustez, protesten jatorrian, mezuetan, eta aldarrietan “nahas-mahasa” zegoen eta antolatzaileak nekazaritzako sindikatuetatik urrunduta zebiltzan.
“Lelo orokorrak alde batera utzi” eta Gipuzkoako “errealitatera egokitutako aldarriak eta proposamenak” egitea hobetsi dute. Gipuzkoako nekazaritzaren ezaugarri bereziak azpimarratu dituzte: familia ereduko baserriak, tamaina txikikoak, eta lurralde menditsuetan aritzen direnak.
Nekazarien haserrea ulertzen dutela adierazi dute oharrean, eta kaleetan entzundako aldarri askorekin bat egiten dutela diote: sektorea itotzen ari diren legeak daudela, errentagarritasun gabezia dutela, eta burokrazia jasangaitza, besteak beste. Alabaina, “arazoen sorburuak zehaztea, aldaketak egiteko ardura norena den argitzea, eta pausoak exijitzea” eskatu dute.
Ez dute nahi arreta desbideratzerik, “eta dena Bruselan konpondu behar dela pentsatzea”.
Batzuontzat ikusezintasuna ez da berria. Edozein mailatan, edozein esparrutan. Ikusezinak gara. Asko jota, pasa gaitezke ikusezinak izatetik itzalak izatera. Zorionekoak, hazpegiak antzemanez gero. Askori egingo zaizue ezaguna. Edozein mailatan, edozein esparrutan. Baina gaurko... [+]
Herriko arkupea jendez bete-bete eginda aurkeztu zen urriaren 10ean Muxikan Bizitza baten txatalak. Andre bat lurrari emana liburua. Feli Madariagarenak dira liburuak kontatzen dituen bizitzako pasarteak eta Onintza Enbeita da Feliren hitz esanak paperera eraman dituena. Biak... [+]
Onintza Enbeitak lurrari emana bizi izan den Feli Madariagaren bizitzako hainbat pasarte kontatzen ditu. Urriaren 10ean 18:30etan Muxikan, bi emakumeon artean aurkeztuko dute ARGIAren Bizi Baratzea sailean argitaratu den liburua.
Euskal Herriko Laborantza Ganbarak "Trantsizioak gure esku!" lelopean abiatu du aurtengo diru-bilketa kanpaina, laborantza eta elikadura defendatzeko helburuarekin. Kanpainak Lurramaren lema ere berriz hartzen du: "Bihar ere laborari".
Zazpi lagun auzipetu dituzte Hazparneko Puyo agentziaren okupazioagatik. Aiherrako Etxexuriaren salmenta salatzeko ekintzaren harira epaituko dituzte irailaren 30ean. Elkartasunez, mobilizazio eguna muntatu da irailaren 27an.
Amezketako Loidi baserrian sortutako proiektua da Aralareko, Uxue Artola Ansak eta Iosu Goñi Muruak bultzatua. “Familiako proiektua da gurea, moxal haragia lehenagotik ere ekoizten genuen, baina kanpora saltzen genuen, eta gauzak beste modu batean egiteko gogoz, bide... [+]
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]