Azaroaren 7tik 9ra bitartean ehunka herritar eta laborari batu dira Euskal Herriko Laborantza Ganberak antolatutako Lurrama azokan. Bertan lantzen ari diren gaiei buruz hitz egingo dugu saio honetan: laborantza herrikoiaren bestaren beharra, sor-markek betetzen duten ezinbesteko funtzioa, erreleboari buruzko gogoetak eta esperientziak, laborarien lan-baldintzak...

Gonbidatu ugari ditugu oraingo honetan: Julene Etxeberri eta Delia Delanne Lurramako antolatzaileak, Felipe Maitia Lagunak elkarteko kidea, Ximun Bergouignan eta Panpi Olaizola sor-marketatik, eta Kleina Sallaberri, Ainiza-Monjolosen instalatu berri den laboraria, besteak beste.