ARGIA.eus

2020ko irailaren 28a

Gipuzkoako erresidentzietako langileek mobilizazioak hasi dituzte berriz, koronabirusaren geldialdia eta gero

  • COVID-19ak 243 eguneko greba atzeratzera behartu zituen erresidentzietako langileak, “lehen eta orain lehentasuna erabiltzaileen osasuna bermatzea" izan behar dela argudiatuz. Hala ere, Gipuzkoako Foru Aldundiak “laguntza faltsua” eman diela salatu du ELAk, eta sektorearen baldintzak hobetzeko exijitu diote. Ez dute baztertzen grebara joatea.

Maria Ortega Zubiate @ortegazubiate
2020ko maiatzaren 21a
Gipuzkoako erresidentzietako langileak protestan. Argazkia: ELA.

Pandemiak sortutako krisiak bi gauza argi utzi dituela dio ELAk; emakumeek egoitzetan egiten duten lana funtsezko zerbitzu publikoa dela, eta etekin ekonomikoa lehenesten duen eredu batek, “muga-mugara eramanda”, adinekoen heriotza ugari uzten dituela.

Gipuzkoako Foru Aldundiak “inongo irakaspenik” atera ez izana salatu du sindikatuak, bere bilera proposamenei uko egin diela eta bere gutunei erantzunik bidaltzen ez diela. Zaintzaren sektoreko lanari balioa emateko ordua dela adierazi dute, eta “pertsonei lehentasuna emango dien asistentzia-kalitateak” izan behar duela lehentasuna, ez etekin ekonomikoak.

COVID-19ak sortutako larrialdi egoeran beren mobilizazioak alde batera utzi dituzte langileek, lehentasuna erabiltzaileak baitziren, “nagusiak zaintzeko euren burua arriskuan jarriko zutela jakinda ere”. Hala ere, greba berrartzea baztertzen ez dutela adierazi du sindikatuak, Foru Aldundiak sektoreko baldintzak hobetzeko pausurik ematen ez badu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Covid-19 shockean adi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude