Gipuzkoako Aldundiak Hernaniri ukatu dio konpost planta txiki bat egiteko baimena
Gipuzkoako Foru Aldundiak ukatu egin dio Hernaniko udalari herrian Atez Ate bildutako hondakin organikoa tratatzeko konpost planta txiki bat eraikitzeko baimena. Hernanin Zero Zabor elkarteak "Hernaniko hondakin organikoak, hernaniarron esku" tituluarekin aurkeztutako mozio bat eztabaidatuko du udal batzak heldu den astean.
Hernaniko udalak herrian Atez Ate bildutako hondakin organikoa tratatzeko konpost planta txiki bat eraiki nahi du. Udal gobernu taldearen (EH Bildu) kalkuluetan, 2.000 tona arteko planta txiki horren eraikitze gastuak erraz amortizatuko ditu, orain bertan GHK partzuergoari bio-hondakinen tratamenduagatik pagatzen dion faktura garestia aurreztuta. Bide batez, hurbileko azpiegitura batean tratatu nahi ditu hondakinok eta horrela herriko bio-hondakin guztia herrian bertan konpostatzea lortuko luke, kontutan izanda dagoenekoz %20 baino gehiago auto- eta auzo-konpost bidez birziklatzen dutela hernaniarrek. Proiektu honek Madrilgo Gobernuaren diru-laguntza bat ere badauka izendatuta (PP zegoen agintean orduan).
Alabaina, Monica Pedreira Lanchas (PSE) Ingurumen zuzendariaren sinadurarekin iritsi zaio udalari Gipuzkoako Foru Aldundiaren ezezkoaren berri. ARGIAk eskuratu duen agirian ezezkoaren argudio bakartzat aipatzen da GHK ari dela lurralde osorako konpost planta bat eraikitzen Gipuzkoako Hondakinen Azpiegituren Lurralde Plan Sektorialean erabakita dagoela ezingo dela eraiki arau horietan aurreikusita dauden azpiegiturez gain besterik.
Hernanik Atez Ateko bilketarekin lortzen du etxeetako hondakin organikoak oso garbi biltzea eta udalak premiazkoa ikusten du horiek Ekonomia Zirkularraren arabera kudeatzea hurbileko azpiegitura txiki eta merke batean, hortik ateratako konposta lehen mailakoa izan dadin. San Marko mankomunitateak eta GHKk ez diote horrelako bermerik ematen, organikoaren tratamendua garesti kobratzeaz gain. Atez Ate bildutako bio-hondakinaren purutasuna –premiazkoa konpost on eta salgarria eskuratzeko– ezin da alderatu kontrol gutxiagoko beste sistemen bidez lortzen denarekin eta azpiegitura handi batean bio-hondakin zikinagoekin nahasteak hondatzen du aurretik egindako lan guztia.
Hernaniko udalak heldu den asteartean, apirilak 30, osoko batzarrean eztabaidatuko gai honetaz Hernanin Zero Zabor elkarteak aurkeztu duen "Hernaniko hondakin organikoak, hernaniarron esku!" mozioa.
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]