“Geuk erabakiko dugu nor etorriko den Europar Batasunera, ez pertsonen trafikatzaileek”
“Migrazio irregularra gelditzeko” plana aurkeztu dute Europako Batzordeko presidente Ursula von der Leyenek eta Italiako eskuin muturreko lehen ministro Giorgia Melonik, Italiako Lampedusa irlara egindako bisitan. Hiru egunetan 8.500 migratzaile iritsi dira uhartera, Europara ihes egin nahian.
Lampedusara Afrika iparraldetik pateretan iristen diren pertsonak biderkatu egin dira denbora gutxian: 2023an jada 127.000 migratzaile baino gehiagok lur hartu dute Mediterraneoko irlan, 2022an garai honetan iritsitakoen zifra halako bi, eta 2021ean halako hiru, Italiako Barne Ministerioaren larunbateko datuen arabera.
Azken hiru egunetan 8.500 pertsona iritsi dira, Europara migratu nahian, eta Lampedusako herritarrak neurri eske ari dira: “Gorroto dugu jendea sufritzen ikustea, eta beti prest egon gara laguntzeko; baina ezin dugu jarraitu horrela bizitzen. Jende honek errespetua merezi du, baita geuk ere”.
Krisi horri aterabidea emateko hamar puntuko plan bat aurkeztu dute Von der Leyenek eta Melonik, Europar Batasunak migrazioari emandako erantzun gisa, igandean Lampedusara egindako bisitan. Helburu nagusia da “migrazio irregularra geldiaraztea”: “Geuk erabakiko dugu nor etorriko den Europar Batasunera, eta zein baldintzatan. Ez dute erabakiko pertsona trafikatzaileek”, nabarmendu du Europako Batzordeko presidenteak. Trafikatzaileen “negozio itzela” dela bertan behera utzi beharrekoa argudiatu du, The Guardian hedabideak jaso duenez. “Jatorrizko herrialdeetan kontatu behar da trafikatzaileak aukeratzen badituzu dirua gal dezakezula”, azaldu du Von der Leyenek agerraldian.
Deportazioak areagotzeko plana
Meloni ultraeskuindarraren esanetan, Europako herrialdeek elkarrekin egin behar dute lan, Afrikatik irteerak geldiarazteko, eta asilo eskaera eskubidea ukatu zaien migratzaileak “berehala deportatzeko” –planaren puntu bat da deportazioak areagotzea–. Gehitu du pertsona horiek “mehatxua” direla “Europaren etorkizunarentzat”.
Melonik azpimarratu du arazoa ez dela konponduko migratzaileak Italiatik beste herrialdeetara lekualdatuta edo birbanatuta, baizik eta krisiari aterabidea emateko “modu bakarra” dela Afrikako “legez kanpoko” irteerak geldiaraztea. Baieztatu du Italiara “legez” joandako migratzaileak “ongi etorriak” izango direla.
Bi mandatariek Lampedusan aurkeztutako planaren arabera, irlako egoera hobetzeko aurreikusi dute pertsona horiek beste herrialde batzuetara lekualdatzeko laguntza jasotzea, “borondatezko elkartasun-mekanismoen bidez”. Azpimarratzekoa da Mediterraneoko irla txiki horrek 6.000 biztanle dituela, eta Europara ihesi doazen milaka lagun pilatzen direla bertan; Italiako Gurutze Gorriak kudeatzen du portuko harrera zentroa, eta ohartarazi dute oraindik 1.500 migratzaile inguru daudela 400 lagunentzat tokia duen instalazioetara lekualdatzeko zain, elDiario.es hedabidean gogorarazi dutenez.
Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]