Gertatutakoaz hausnarketa txiki bat Herrialde Katalanetatik
Badakit egun hauetan hamaika hausnarketa zentzudun, luze eta kurratu topatzeko aukera izango ditugula. Nireak ordea ez du hori izan nahi, nirea ehunka kilometrotara bizi den Ezker Abertzaleko militante baten hausnarketa txikia baino ez du izan nahi.
aurre egingo dieten hedabide independenteak
Hain modan dauden Herrialde Katalanetatik –ez, hemen ez zaio lur honi katalunia deitzen–, hain modan dagoen herri honetako Ezker Independentistatik, hausnarketa txikia. Denbora honetan hemen ikasitakoekin, eta distantziak ematen duen perspektibatik.
Hasteko eta behin, hain urrun bizitzeak, gauzen errealitatea galtzeko aukera ere ematen duela esango nuke. Nik ez nuen espero EH Bilduk jaso duen kolpe latza. Kanpaina ona burutu duzuela esango nuke, imajinatiboa, borrokalaria, betiko erreferenteen berreskurapenarekin…
Azken urteetako deribak ordea, ez du barkatzen, eta 15 egunetan ezin da urteetan galdutako babes soziala eta diskurtsoa berreskuratu. Gure bozka asko Podemos-ek bereganatu dituela esango nuke, beste askok abstentziora jo duten bitartean. Politika egiteko modu berriak eskatzen ditu herritargoak, herri lanean oinarritutako borroka. EH Bildu ez da politika berri honen aitzindaria gaur egun.
Ez da, baina izan gara. Urteetan ongi egin dugun zerbait da hau, hain zuzen ere. Urteetan herrietan egon gara, Herri Mugimenduan, kalean, borrokan eta antolakuntzan. Hori da Ezkerreko Abertzaleon historia, bide horretan lan egokia egindakoak gara eta etorkizuna ere hortik etorriko da.
Herri Boterea eta Herri Babesaren arteko talkan dago gakoa. Herri Boterea, oinarritik eraikitzen da, proiektuaren aitzindaritzan, markari, erremintari, berebiziko garrantzirik eman gabe. Herri Babesa ordea marka baten inguruan eraikitzen da, oinarrietan eraikitzea ahaztuta, sareetatik, diskurtso handi eta politetatik.
Urteetan soziologoek esan dute Ezker Abertzaleak ez zituela bere bozkatzaileak galtzen inoiz, hor Herri Boterea zegoen, berdin zitzaigun zein zen marka, zein aurpegia, inportanteena proiektua zen. Orain hori ez da horrela, aurpegi erakargarriak bilatzen ditugu, proiektuari kasu gehiegi egin gabe. Herri Babesaren tranpan erori gara eta babesa aldatzen da, guretik beste batzuetara eta gero bueltan berriro, edo ez.
Kotxea gelditzeko unea heldu zaigu. Kotxetik jaitsi behar gara. Gurpilik ezin da konpondu kotxea martxan dagoen bitartean. Gidaria(k) aldatu behar badira beldurrik gabe, gidariek noizean behin deskantsatzeko eskubidea eta beharra ere baitute. Zapata ederrak ere alboratu behar ditugu, mendiko botak jantzi, urteetako lokatzaz zikindutako horiek, eta ekin! Nire zapatilak behar badituzue, hemen daude, prest, zikintzeko prest, apurtzeko prest. Beste milakarekin batera.
Herria zutik dago, abian jartzeko garaia da. Goazen garaipenerantz!
Lluitar, crear, construir poder popular!
[*Oier Azkarraga Grajales, Ezker Abertzaleko eta "Esquerra Independentista"-ko kidea da]
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Askotan hitz egin izaten da (dugu) banketxeen inguruan, kritika askoren jo-puntuan jarriz behin baino gehiagotan. Inor gutxi ezagutzen dut banketxeei buruz zerbait txarra esan ez duenik… baina, era berean, inor gutxi ezagutzen dut banketxeen zerbitzurik erabiltzen ez... [+]
Orain dela 39 urte Hego Euskal Herriak, Kataluniak eta Kanaria uharteek ezetz esan zioten NATOri; duela 36 urte lehenengo intsumisoek euren burua aurkeztu zuten Gobernu Militarretan. Garai hartan Gerra Hotzaren izua hedatuta zegoen, blokeen arteko gatazka, gerra nuklear baten... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Martxoaren 25ean Arabako Foru Aldundiak (AFA) eta Eusko Jaurlaritzak (EJ) prentsa-ohar bat atera zuten, hedabideetan nahiko zalaparta eragin zuena, Gobierno Vasco remite a la Ertzaintza dos piezas cerámicas del yacimiento de “Las Ermitas” por ver indicios de... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Berritu ala hil. Hori esaten diogu geure buruari. Ariketetatik ariketa gabeko alera, narraziotik gertuago, metaforarik gabe, zuzenago. Orain? Orain gehiago behar dugu. Narrazioago, ezmetaforatuago, ariketagabeago.
Pertsonaia bat sortuko dugu. Pertsona bat. Istorio batean... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Ez naiz buruan ideia hau darabilen bakarra, asko gara munduan Whatsapp eta Telegram mezularitza aplikazioak hartzen ari diren botereaz kontziente bide hori jorratu nahi dugunak.
Familia, lagunak, komunitateak, lana, komunikabideak... Mezularitza aplikazioekin dena dugu... [+]
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]