German Rodriguezen oroitarrian eginen dute poliziaren erakusketaren kontrako elkarretaratzea
Espainiako Delegaritzak Ziudadelan biltzea debekatu ostean, lekualdatu dute mobilizazioa poliziaren indarkeriaren biktimek.
Espainiako Poliziaren lana goratzen duen erakusketarekin Espainiako Gobernuak "garaile eta garaituen" kontakizuna osatu nahi duela salatu dute. Horregatik, Gatazka politikoa, biktima guztiak aitortu, konponbidea, guztiok garaile lelopean mobilizaziora deitu dute.
Ostiralean izanen da, 19:30ean, oroitarrian. Krabelin gorriak eskutan azaltzeko eskatu diete herritarrei.
Honako hauek dira euren burua poliziaren indarkeriaren biktima bezala hartu dutenak:
- Itxaso Torregrosa (2009an atxilotu eta torturatua)
- Mikel Iribarren (2001ean ke pote batek larriki zauritua)
- Carlos Otxoa (1936-39 Ahaztuak-eko kidea)
- Aitziber Berrueta eta M. C Cañas (2004ean poliziak eraildako Angel Berruetaren alaba eta ama)
- Izaskun Juarez (2010ean atxilotu eta torturatua)
- Ramon Contreras (Sanfermines 78ko kidea)
- Begoña Castillo (1990an poliziak hildako Mikel Castilloren arreba)
- Aingeru Zudaire (2012an begi bateko ikusmena galdu zuen)
- Fermin Rodriguez (1978an poliziak hildako German Rodriguezen anaia)
- Sergio Medina (1996, 1999 eta 2004an atxilotu eta torturatua)
- Aingeru Cano (1977an hildako JL Canoren anaia)
Oharra: Albiste hau Euskalerria irratiaren webgunetik ekarria da lizentzia libreei esker.
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Joseba Asiron alkatearen aurkako irainak margotu dituzte EH Bilduren egoitza batean.
