Elkarretaratzea egin dute Gasteizen, Aimarren senide eta lagunek deituta. Justizia aldarrikatu dute, eta "udaltzainen inpunitatearekin" amaitzeko eskatu.
Gasteizen bi udaltzainek jipoitu zuten gaztearen kasua salatzeko elkarretaratzea egin dute Andra Mari Zuriaren Plazan, asteazkenean. Aimarren senide eta lagunek egin dute deialdia. Gaztearentzat justizia aldarrikatu dute, eta udaltzainen "inpunitatearekin amaitzeko" eskatu.
Irakurketan, Aimarren aitak azaldu du adingabeen fiskaltzak hiru delitu larri egotzi dizkiola semeari: bat "agintaritzari desobeditzeagatik", eta bi "ausarkeriaz gidatzeagatik". Udaltzainei, berriz, delitu arina baino ez diete egotzi. "Horrelako zerbait espero genuen, baina ez hain lotsa gutxirekin jardutea". Azaldu duenez, kasua familiaren abokatuaren eskuetan dago. Amak ere hartu du hitza, eta adierazi du borroka "luzea eta gogorra" izango den arren, "azken muttureraino" eramango dutela. Beharrezkoa bada, Europara ere eramateko prest agertu dira.
Justizia da nahi dutena. "Ez dugu uste udaltzain guztiek berdin jokatzen dutenik, baina gizon hauek ez dute lanean aritzea merezi". Agintariek horrelako gertakariak kontuan har ditzaten eskatu dute, berriz ere gerta ez daitezen. Bi udaltzainei beren semearenganako urruntze agindua jar diezaiotela eskatu dute.
Udalaren jarrera
Joan den astean Gasteizko Udaleko Marian Gutierrez PSE-EEko Segurtasuneko zinegotziak esan zuen Udaltzaingoaren zentralari agindu zietela gurasoei deitzeko, baina haiek adierazi zuten ez zutela halako deirik jaso. Gurasoek aretoa utzi zuten, salatuz zinegotzia gezurretan ari zela. Bestalde, kasua argitu bitartean akusatutako bi polizientzako errugabetasun presuntzioa eskatu zuen Gutierrezek. Gorka Urtaran Gasteizko alkateak, berriz, adierazi zuen udalak "objektiboki" jokatu zuela kasuan.
Zinegotziaren jarrera salatu du Aimarren aitak irakurketan: "Batzordean esan zuen lekuko batek "borroka" aipatu zuela, baina beste bi lekukok adierazi zuten Aimar laguntza eskatzen ari zela eta poliziek jo egin zutela. Zergatik ez zuen aipatu azken hori?"
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.