“Ertzainek aita jipoitu zuten nire alboan, 65 urte ditu eta elbarria da”
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra, pilotekin. Partidaren aurretik ere inolako arrazoirik gabe kargatu zutela azaldu eta frogatu dute.
Martxoaren 13an, Ertzaintza hainbatetan oldartu zen Bilboko (Bizkaia) kaleetan, bai Athleticen partidaren aurretik (kalez jantzitako poliziak tartean), bai horren ostean. Egun horretan ertzainek larriki zauritutako bi pertsonaren lekukotza jaso du GEDAR LANGILE KAZETAk: aita-semeak dira, Luis Mari eta Hodei, eta San Mames ingurura hurbildu ziren ostegun arratsaldean, giroaz gozatzeko eta tabernaren batean partida ikusteko. Salatu dute hainbat komunikabideri helarazi diotela Bilbon jasan zutena, El Correo kasu, baina haiek uko egin diotela informazioa argitaratzeari.
Hainbat iturrik ezkutatu dutenaren kontrara, lekukoek ziurtatu dute Poliziak inolako arrazoirik gabe kargatu zuela norgehiagoka hasi aurretik, "muturreko biolentziarekin": "Begiratu gabe kargatzen zuten borrarekin". Esan dute "han ezer egin gabe zegoen jendearen aurka" kargatu zuela Ertzaintzak; "adinekoak, haurrak, adingabeak, denetarik". Baina Hodeik seinalatu duenez, "larriena gero etorri zen", partidaren ondoren.
Ertzainen jipoiak
"Nire aita, elbarria dena eta 65 urte dituena, borraz jipoitu zuten nire ondoan, ezkerreko besoa apurtuz", azaldu zuen Hodeik martxoaren 17an bertan: "Ospitalean egon da pronostiko larriarekin eta ebakuntza egin behar izan diote". Agenteei momentuan ohartarazi zien aitaren elbarritasunaz, baina erantzuna bortitza izan zen: kolpeka erantzun zioten.
Furgoneta baten atzeko aldera eraman zuten indarrez, eta gehiagotan jo zuten han: "Jipotu egin ninduten istiluen aurkako lau edo bost agentek". Hori gutxi balitz, mehatxu egin zioten poliziek, esanez "atentatua egitea" leporatuko ziotela, eta jipoia grabatu zuen kazetari batengana korrika hurbildu ziren, identifikatzeko asmoz. "Pentsatzen dut bideoak ezabatzeko agindu ziotela", dio Hodeik.
Jendeari tiroka ertzainen furgonetatik
Izugarria da horren osteko testigantza ere: "Ondoren, furgonetan atxiloturik paseatu ninduten, eskuburdindunekin lotuta eta ate osoa irekita, furgoneta martxan egon arren". Biktimak adierazi du, gainera, bere atzean zihoan ertzainetako bat jendeari gomazko pilotak botatzen aritu zela ibilgailutik. "Jendeari eman nahi zioten. Nik barrez entzuten nituen", dio. Eta polizien partetik entzun zituen komentarioetako batzuk aipatu ditu: "Ea, apuntatu, baino ondo; burura, izorra daitezela", "Gero eta gehiago erori, orduan eta hobeto", eta abar. Irratitik ere antzeko iruzkinak entzuten zirela oroitzen du.
Bi zaurituak ospitalera, eta salaketa jartzeko trabak
Deustuko komisariara atxilo eraman zuten Hodei, eta salatu du irainak eta jazarpena pairatu zituela han, "desordena publikoak eragitea" egotziko ziotela esanez mehatxatzeaz gain. Eta, bestalde, polizia-agenteak bere telefono mugikorrera sartzen saiatu zirela ere zehaztu du.
Aita-semeek ospitalera jo behar izan zuten ertzainek emandako jipoiengatik. Luis Mariri ebakuntza egin behar izan zioten larrialdiz, pronostiko larriarekin: besoko erradio distala hautsi zion Poliziak, eta plaka bat eta zazpi torloju jarri behar izan dizkiote. Gainera, biek dituzte izugarrizko kolpeak gorputz osoan zehar. Dena den, ofiziozko abokatuak berak gomendatu zion Hodeiri ez jartzeko salaketarik Ertzaintzan, eta beste polizia-indar baten aurrean egin behar izan du.
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]