Gazaren %14a soilik da zibilentzako “zonalde segurua”, armada sionistaren aginduz
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Palestinar errefuxiatuei laguntzeko NBEren UNRWA agentziako buruak, Philippe Lazzarinik, salatu du Gazako Zerrendaren % 14a soilik ez duela ebakuatzeko agindu Israelgo armadak. Gazako ia biztanleria osoari eragiten diote agindu horiek. Edonola ere, “zonalde seguru” gisa izendatutakoak hainbatetan bonbardatu ditu Israelek azken bederatzi hilabeteetan.
Armada sionistak behin eta berriz lekualdatzera behartu ditu ehunka mila palestinar urrian genozidioa abiatu zuenetik. Zerrendaren gehiengoa suntsituta eta etengabeko erasopean, “ez dago leku segururik Gazan”, nazioarteko erakunde ugarik salatu izan dutenez, tartean NBEak. Lazzarini UNRWAko buruaren hitzetan, “ia egunero” zabaltzen ditu Israelgo armadak ebakuatzeko aginduak, eta askotan ordu gutxi batzuk izaten dituzte palestinarrek beste zonalderen batera mugitu eta “berriz hasteko”. Batez beste, hilabetean behin izan da lekualdatzera behartua biztanleriaren gehiengoa, UNRWAren datuen arabera. “Miseria, beldurra eta sufrimendua” besterik ez dituzte sortzen ebakuatzeko aginduek, Lazzariniren esanetan.
Zonalde “ez seguru” izendatutakoak kenduta, 50 km karratu besterik ez dira gelditzen Gazan, bi milioi biztanle baino gehiago dituen Zerrendan. Urriaren 7a baino lehen munduko zonalde populatuenetakoa zen Gaza, eta orain izugarri murriztu da palestinarrak “egon daitezkeen” eremua. Azken aginduek Khan Younis hegoaldeko hiriari eragin diote gehienbat, Al-Mawasi “zonalde humanitarioaren” zati handi bati. Ebakuatzeko agindua eman baino lehenago ere, uztailaren 13an, 90 palestinar hil zituen armada sionistak Al-Mawasiko errefuxiatu “kanpaleku humanitarioan”. Asteburu honetan ehun pertsona inguru hil dituzte sionistek Gazako luze zabalean, eta 300 pertsonatik gora zauritu.
Ebakuatzera behartutako palestinarrek ez daukate nora joan, eta oinarrizko beharrak asetzeko lekurik ez dago Gazan, Israelen erasoen ondorioz. Osasun sistema, ur garbia lortzeko moduak eta elikagaiak ekoizteko guneak suntsitu ditu sistematikoki armada sionistak, eta ez da laguntza humanitariorik apenas sartu Zerrendan, batez ere maiatza hasieran sionistek Gaza eta Egipto arteko pasabidea eta muga osoa kontrolpean hartu zituztenetik.
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.