Gaur onartuko dute "Wert legea" Madrilen
Espainiako Kongresuak Wert ministroaren hezkuntza erreforma onartuko du gaur behin betiko.
2012ko irailean aurkeztu zen proiektuaren lehen zirriborroa eta ordutik ibilbide gorabeheratsua izan du, hezkuntza sektorea eta jendartearen zati handia kontra izan duelako.
Polemikaz beteriko hamalau hilabeteren ostean gaur onartuko da legea PPren gehiengo absolutuari esker. Ondoren Espainiako Erregeak sinatu beharko du eta Estatuko Aldizkari Ofizialean argitaratu ondotik datorren ikasturterako Lehen Hezkuntza eta Lanbide Heziketan lege berria ezarriko dela aurreikusten da.
DBH eta Batxilergoan berriz beranduago jarriko da martxan erreforma, 2015 eta 2017ko ikasturteen artean, hain zuzen. Bestalde, lege berriak selektibitatea ezabatuko du baina unibertsitatera joateko asmoa duten ikasleek froga hau gainditu beharko dute 2017-2018 ikasturtera arte.
EAEko Legebiltzarra LOMCEri aurre egin nahian
Hezkuntza erreforma eztabaidagai izan zuten atzo Eusko Legebiltzarrean. Luze aritu ziren gaiaz Wert ministroaren lege proposamenari aurre egiteko bideak zehazteko.
EH Bilduk intsumisioaren bidea proposatu zuen, baina EAJ eta PSEko legebiltzarkideek hezkuntza legeari ez diotela intsumisiorik eginen adostu zuten ebazpen baten bidez. Espainiako marko juridikotik kanpo aritzeak hezkuntza sistema osoa kolokan jar zezakeela argudiatu zuten.
Hala ere, legea saihesteko ahalegin guztiak egingo dituztela hitzartu dute taldeek. Auzitegietara jotzeko asmoa agertu du Cristina Uriarte Hezkuntza sailburuak. Erabaki horren aurrean PSEk babesa agertu dio.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]