Bizi ala iraun?

  • “Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren ageriko isla da, zalantzarik gabe.

     


2018ko azaroaren 06an - 17:25
Zure babesik gabe independetzia ezinezkoa zaigu

2013ko urriaren 9an hasi zen dena. Orduan ere Hezkuntza sailburu zen Cristina Uriarte andreak Heziberri 2020 plana aurkeztu zuen. Plan horrek hiru egitasmo izango zituen: marko pedagogikoa, dekretu curricularrak eta Euskal Hezkuntzaren Legea. Aurreko legegintzaldia zen eta Bilbon LOMCEren kontra eta Hezkuntza Sistema Propioaren alde antolatuko zen manifestazio nazional handienaren bezperetan aurkeztu zuen Sailburuak bere plan izarra.

Egun hartan, jendearen iritzia manipulatu nahian, EAJren interesekin lerrokatzeko asmoz, gaur arte Hezkuntza Sailak luzatu duen marketing kanpaina iraunkorrari hasiera eman zitzaion. EAJren karga ideologikoa barnebiltzen duen planari eman zitzaion hasiera. Hezkuntza helburu merkantilista, zentralista eta autonomistan kokatzen duen plana. Izan ere, hezkuntza komunitateko eragile gehienek, ikastetxeetako zuzendaritzek, langileek, ikasleek, familiek eta abar luze batek kontrakoa esan badugu ere, Cristina Uriarteren ahotan lelo bera entzun dugu bost urtez: “Heziberri 2020 guztion adostasuna duen egitasmoa da”. Gezurra bere horretan. Berriz ere Gorka Urbizuri hitzak lapurtuz, “betiko leloaren betiko leloa!”.

Urteak aurrera, Uriarte bere horretan mantendu da. Heziberri garatzen jarraitu du, autonomismoan sakontzen eta LOMCE aplikatzen. Eta inongo elkarrizketarik gabe Hezkuntzaren aldeko Akordioa. Akordioaren Oinarriak dokumentuaren eztabaida prozesuri ekin zion Sailburuak.

Joan den astelehenean Gasteizko Legebiltzarreko Hezkuntza batzordean aipatu dokumentuaren inguruko eztabaida monografikoa egin zen. Araba, Bizkaia eta Gipuzkoako hezkuntza sistemarentzat mugarri garrantzitsua izan zitekeen eguna, guztiz bestelako izan zen. Tramite hutsa.

Prozesua hutsaren hurrengoa izan da. Hezkuntza Sailak gidatu eta kontrolatu du. Hezkuntza Sailak zehaztu du forman eta edukian zer, nola eta nork landu. Cristina Uriarteren ahotan, baina, lelo bera: “dokumentuak hezkuntza komunitatearen babes zabala dauka.” Legebiltzarrera heldu denean ere, gauza bera, goiz bateko alderdien arteko eztabaidarekin dokumentua itxi eta Legebiltzarraren babesa duela “saldu” nahi izan du Uriartek.

 

Urteak aurrera, Uriarte bere horretan mantendu da. Heziberri garatzen jarraitu du, autonomismoan sakontzen eta LOMCE aplikatzen. Eta inongo elkarrizketarik gabe “Hezkuntzaren aldeko Akordioa. Akordioaren Oinarriak” dokumentuaren eztabaida prozesuri ekin zion Sailburuak

Edukiak guztiz larriak dira. Argi esan behar da eta suposatu dezakeen gordintasun guztiarekin. Dokumentuak jaso dituen edukiak erabat kaltegarriak dira euskal hezkuntza sistemarentzat. EAJk PSEren zein PPren eskutik nahi izan du aurrera egin. Legebiltzarreko batzordean EAJko ordezkariari entzun nion esaten ez zuela ulertzen herri honetako bigarren (EH Bildu) eta hirugarren indarrak (Elkarrekin Ahal Dugu) nolatan gelditu ginen Akordiotik kanpo. Nik ulertzen ez dudana da nola EAJk ez duen nahi izan herri honetako 2. zein 3. indarrekin inongo akordiorik bilatu; nola EAJk ez duen inongo momentutan EH Bilduren iritzia ere entzun nahi izan; nola EAJ ez den inongo momentutan EH Bildurekin harremanetan jarri; are larriagoa, nola EAJk, non eta hezkuntzan, herri honetako azken indar politikoekin zein erabakitzeko eskubidea zuzen zuzenean ukatzen digutenekin eta LOMCE inposatu digunarekin egin duen akordioa, PSE eta PPrekin; eta nola akordio horren sostengatzaileetako bat Pablo Casadoren alderdia den, hain zuzen “Espainiak ez ditu hamazazpi hezkuntza sistema behar, bakarra behar du” harro adierazi zuena. Hori da larriena.

Ezarri zaigun hezkuntza sistemak porrot egin du, eta porrot hori letra larritan nabarmendu behar dela deritzot. Ikastetxeen azpiegituretan arrakalak, itoginak, leku estalien falta… Jantokien aferarekin Legebiltzarrean ikerketa batzorde bat irekita dago eta kalitatea gero eta txarragoa da, irakasle eta zuzendaritza taldeen egonkortasuna erabat ezegonkorra da, euskara gaitasunak inoizko datu txarrenak lortu ditu eta ereduen sistema zaharkitu hau D ereduko ikastetxeetan ere ez da gai ikasle guztiak behar bezala euskalduntzeko, ikasleen arteko arrakala sozio-ekonomikoa gero eta nabarmenagoa da, pairatzen ari garen tramite burokratikoen kudeaketarako denbora-dedikazioa jasan ezina da, segregazio mota ezberdinek gure sistema guztia bustitzen ari dira, eta abar luze bat.

Hezkuntza sistema honek pitzadurak besterik ez ditu eta egoera honen aurrean, berriz ere Berri Txarrak gogoratuta, zer egingo du Hezkuntza Sailak, “bizi ala iraun?”. Herri burujabe bezala bizi ala menpeko erkidego gisa iraun? Desoreken sortzaile den sistema honen ustezko konfort egoera mantendu edo eraldaketaren alde etorkizunean zer nolako hezkuntza sistema berri, publiko eta burujabea izango dugun adosteko herri-estrategia adosteko lanetan murgilduko da?

EH Bildun argi dugu berandu baino lehen Euskal Hezkuntzaren Lege berri bati bide emango dion Hezkuntza Akordio tinkoa behar dugula. Hezkuntza Herri zutabea dela ados bagaude, gure herriak dituen eztabaida garrantzitsuenetakoa dela ezin dugu ukatu. Beraz, Herri akordioa behar da gai honetan ere. Gure hezkuntzak bizi behar du. Egun errotua dagoen parametroetatik atera eta bizi dadin bultzatu behar dugu, denok. Ezin dugu gure herria irautera kondenatu. Izan ere, jada agortua dagoen hezkuntzako euskal oasia ez da existitzen eta bulkada berria eman diezaiogun hezkuntza komunitate osoaren zein EH Bilduren eskutik, ere, etorriko da.

Eta honetarako akordio zintzoa eta ezinbestean hezkuntzaren ikuspegi zabalena landuaz, komunitate guztiaren artean adostasunak bilatuko dituena, bai hezkuntza formaleko agenteekin baina baita ere hezkuntza ez formalean dabiltzanekin ere. Betorik gabeko prozesu sakona. Gainera, balizko Lege berri horren markoak, oinarrian, Estatus Politiko berrirako Autogobernua Eguneratzeko Ponentzian definitutako “hezkuntza eskuduntza esklusiboak” -III. oinarria. Eskumenak atala- garatuko beharko ditu ezinbestean. Lan honi ekingo diogu. “Denbora da poligrafo bakarra”.

Ikoitz Arrese Otegi, EH Bilduren Hezkuntza idazkaria.

 

 

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2025-07-16 | Karmelo Landa
Zenbait traba eta bide bat

Gauzak ez dira horrela, baina horrelaxe daude, bai. Euskal erreferente politiko ofizialak Espainiara eta Frantziara begira daude Euskal Herrira bainoago. Estebanek eta Otegik etengabe kontseiluak ematen dizkiote Sánchezi gobernagarritasun modu berriaz eta Espainiako... [+]


Teknologia
Whatsappa utzi

Ez naiz buruan ideia hau darabilen bakarra, asko gara munduan Whatsapp eta Telegram mezularitza aplikazioak hartzen ari diren botereaz kontziente bide hori jorratu nahi dugunak.

Familia, lagunak, komunitateak, lana, komunikabideak... Mezularitza aplikazioekin dena dugu... [+]


2025-07-16 | Ula Iruretagoiena
Lurraldea eta arkitektura
Hondakinak

Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]


2025-07-16 | June Fernández
Meloi saltzailea
Torre-Pacheco

Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]


2025-07-16 | Aingeru Epaltza
Garikoitzen itzala

Herria astekariaren ez hain aspaldiko aleak irakurtzea aski da antzemateko Mixel Garikoitzek Lapurdiko, Nafarroa Behereko eta Zuberoako gizarte nagusiki katolikoan utzitako arrastoaren sakonari.

Ibarreko Garakoitxeko semea, bertze ordezkaririk ez du Iparraldeak Erromako... [+]


Nagusikeria

Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]


Espektakuluen tranpa

Semea futbol talde batean jolasten da eta, kurtso amaieran jokatutako hamaika torneoren artean, Athletic Cup-era gonbidatu dute bere ekipoa aurten. Txapelketak laurehun talde eta 5.000 futbolari inguru batu ditu; haur eta nerabe, senideak eta lagunak kontatu gabe. Itzelezko... [+]


Atera daitezela herriko plazara

Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]


EIRE euskal unibertsitate-irakasleen elkartearen amaiera

Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.

Euskal Herrian ere... [+]


2025-07-14 | Rober Gutiérrez
25 urteko bidaia

Sortze beretik proiektu batekiko lotura profesionala egon denean eta atxikimendu emozionala hain handia denean, zaila izaten da berari buruz hitz egitea. Bai Euskarari ziurtagiriak 25 urte bete ditu, eta bizi izandako oroitzapenak eta esperientziak metatzen zaizkit oroimenean... [+]


Ez onartu hiriaren salerosketa, ez irentsi itxurakeriaren amua

Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]


2025-07-10 | Jauzi Ekosoziala
Norabidea aldatu

Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]


2025-07-09 | Itxaro Borda
“Azpian lur hotza”

Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]


2025-07-09 | Hiruki Larroxa
Ikastetxean, taldearen jakituria

Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]


Eguneraketa berriak daude