Gasteizko teilatuetan hiriak kontsumitzen duen argindarraren % 38 lor daiteke
Gasteizko teilatuetan panel fotovoltaikoak jarriz, hiriak kontsumitzen duen elektrizitatearen % 38 lor daitekeela kalkulatu du EHUko Ekopol ikerketa-taldeak. Beraiek garatu duten zehaztasun handiko metodologia batez erabiliz iritsi dira ondorio horretara.
Hirietan kontsumitzen da energia gehien eta isurtzen da CO2 gehien. Beraz, deskarbonizaziorako bidean funtsezkoa da haietan energia-berriztagarriak ezartzea. Eremu urbanoetan horretarako oso lur gutxi egon ohi da erabilgarri, ordea. Horregatik, teilatuetan panel fotovoltaikoak kokatzea da aukerarik aproposenetakoa. Ekopol ikerketa-taldeko ikertzaileek (EHU) Gasteizko eraikinek horretarako duten gaitasuna neurtu dute.
Ondorioztatu dute Gasteizko teilatu-azaleraren erdian bideragarria dela panel fotovoltaikoak jartzea eta, azalera hori erabat aprobetxatuz gero, hiriak kontsumitzen duen argindarraren % 38 lortu ahal izango litzatekeela. Horretaz gain, ikerketak berretsi du hiriko zonalde periferikoek potentzial handiagoa dutela eguzki-energia erabiliz argindarra sortzeko. Izan ere, erdialdean, espazio txikiagoan eraikin gehiago pilatzen direnez eta eraikin altuagoak daudenez, zailagoa da eguzkiari etekina atera ahal izatea.
Ikertzaileen esanean, orain arteko estimazioak hobetu ditu azterketa honek. Azaldu dute erabili duten metodologiak tokian tokiko faktore asko hartzen dituela kontuan eta, horri esker, errore gutxiago daukala. Metodologia horrek zehaztasun handiko azterketak egiteko aukera eman die eta panel fotovoltaikoak jartzeko arbuiatu ohi diren teilatu-eremuak egokiak izan litezkeela ikusi dute. Adibidez, mendebalde/ekialdera begira dauden asko eguzki-energia lortzeko aproposak izan daitezke, kalkulatu dutenez.
Metodologia Ekopoleko ikertzaileek garatu dute. Kode irekiko Informazio Geografikoko Sistemak erabiltzen ditu. Hau da, edonorentzat dohainik eskuragarri dauden softwareak, zeinek aukera ematen duten zona jakin baten inguruko datuak gurutzatzeko eta automatikoki ondorioak ateratzeko. Esaterako, kasu honetan, ikertzaileek Gasteizko eraikinen mapak eta altuera-mapak deskargatu dituzte datu-base publikoetatik, eta, informazio hori programa informatikoan sartuz, jakin dute, zehaztasun handiz, hiriko teilatu-azaleraren metro koadro bakoitzak zer orientazio, itzal eta inklinazio duen, zehaztasun handiz.
Bestalde, bideragarritasun energetikoaren muga ere kontuan hartu dute, teilatuen potentziala neurtzeko. Alegia, alderatu dituzte eraikin jakin batean panel fotovoltaikoak martxan jartzeko inbertituko litzatekeen energia eta bertan instalazioak bere bizitza erabilgarrian sor dezakeen energia. Bideragarria ez bada, teilatu hori baztertu egiten dute. Azpimarratu dutenez, alde horretatik berritzalia da ebaluazio-sistema hau; izan ere, gehienetan bideragarritasun ekonomikoari bakarrik erreparatzen zaio eta ez energetikoari.
Gaineratu dute garatutako metodologiaren ekarpena handia dela eta hainbat hiritan halako azterketak modu errazean erreproduzitzeko baliabideak eskaintzen dituela. Baina, aldi berean, ohartarazi nahi izan dituzte aldaketa ezin dela bakarrik energia berriztagarrien bidetik etorri. Izan ere, hiri bateko teilatu bideragarri guztiak estalita ere, ez litzateke nahikoa izango egungo gizartearen energia-eskaerari erantzuteko. Teknologia berriztagarriak erabili bai, baina trantsizio ekosozialaren kontzeptura hurbildu behar dugu, ikertzaileen ustez; kontsumo-ohiturak aldatuz eta energia-kontsumoaren murrizketa lehenetsiz.
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola izan den azaldu du.
Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko batek eta egileak berak. Hainbat gai eta ikuspegi anitzak agertu ziren, baina... [+]
Harriduraz irakurri dugu prentsan Aritz Otxandianori etxean bertan bengalekin egindako erasoaren albistea. Berak sare sozialetan eman zuen gertatutakoaren berri. Bai bera, bai bere adierazpenak jasotzen dituzten hedabideak ahalegindu dira eraso hori makro-berriztagarriei buruzko... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]