Zer dezake udal batek makroberriztagarrien aurrean?
Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko batek eta egileak berak. Hainbat gai eta ikuspegi anitzak agertu ziren, baina artikulu honetara gai bakarra ekarri dugu. Udalen ahala ez da hain txikia, horien denen adierazpenak kontuan hartuz gero.
Udalek makroberriztagarri proiektu baten aurrean noraino erabaki dezaketen, horra herritar batek planteatu zuen galdera.
Francisco Vaquerok 70 pertsona inguru elkarrizketatu ditu filma egiteko, Espainiako estatuko 11 lurraldetakoak eta filmaren 200dik gora emanalditatik 170 ingurutan bera bertan izan da, filma aurkezten. Horietan guztietan ezagutu dituen errealitateetan oinarrituta, azaldu zuen udal batek ezezko garbia adierazten badio enpresari, eta jakinarazten badio ez diola inolako erraztasunik jarriko, enpresak normalean alde egiten duela, harrera hobea egingo dion beste udalerri batera. Hori jada proiektua gainean dagoenean, baina proiekturik aurkeztu aurretik udalak bere lur bakoitza zertarako erabilgarri den eta zertarako ez definitzeko eskumena baduela gogorarazi zuen.
Ezkeltzu Bizirik taldeko kide batek esan zuen Jaurlaritzako Industria sailari galdetuta, hark esan ziola proiektuaren azken-azken baimena udalak ematen duela. Vaquerok gehitu zuen enpresak ordura arteko baimen guztiak baldin baditu, udalak azken baimen hori ukatzea "prebarikazio" gisa uler daitekeela, nahiz eta ordura arteko prozeduran prebarikazioa maiz egiten dela nabarmendu zuen. "Baina prebarikazioak ez dakar kartzelarik, e! Inhabilitazioa dakar, alkate izateari utzi eta beste lan batean hasi behar izatea", gehitu zuen, eta bizi osoan alkate izatea ez dela inongo obligazioa iradoki zuen.
EH Bilduko legebiltzarkide eta Amasa-Villabonako zinegotzia den Ander Goikoetxeak ere hartu zuen hitza eta azaldu zuen udala Amasamendin bi haize errota jarri nahi dituen Premier ESPF Ipar Haizea enpresarekin negoziatzen ari dela. Enpresari galdetu ziotela norena zen azken hitza eta hark udalarena zela esan ziela; udalak herri galdeketa egiteko asmoa duela eta enpresari galdetu ziotela ea herri galdeketaren emaitza onartuko zuten eta hark baietz esan ziela.
Bertaratu ziren pertsonek eskertu zuten filmaren osteko elkarrizketa, ikuspegi ezberdinen trukea, konplexua den errealitatearen erpin anitzei buruzko eztabaida. Etxean geratuta eskuratuko ez duena jasoko du halako ekimenetara bertaratzen den herritarrak. Hurrengo aukeretako bat, Urumeako Mendiak Bizirik antolatu duena: Antonio Turielen hitzaldia, Trantsizio energetikoaren mugak izenburupean. Maiatzaren 7an, 18:30ean, Hernaniko Sandiusterri aretoan (hitzaldia gazteleraz izango da).
Harriduraz irakurri dugu prentsan Aritz Otxandianori etxean bertan bengalekin egindako erasoaren albistea. Berak sare sozialetan eman zuen gertatutakoaren berri. Bai bera, bai bere adierazpenak jasotzen dituzten hedabideak ahalegindu dira eraso hori makro-berriztagarriei buruzko... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]