Gasteizko polizia baten aurka bi urteko kartzela zigor eskaera AHTren kontrako ekintzaile bat zauritzeagatik
Bi urteko kartzela zigorra eta 3.000 euroko isuna eskatu du fiskaltzak Gasteizko udaltzain baten kontra 2015ean AHTren kontrako martxa batean manifestari bat kolpeka zauritzeagatik. Asteazken goizean da epaiketa, Hala Bedin irakur daitekeenez.
2015eko abuztuaren 1ean, agente horrek hainbat borrakada eman zizkion borra luzagarriarekin. Behatz bat hautsi eta hogei zentimetroko hematomak utzi zizkion izter bakoitzean. Fiskaltzak “bitarteko arriskutsuarekin egindako lesio delitua” egozten dio eta 3.037 euroko kalte ordainez gain —manifestariak 52 egun behar izan zituen sendatzeko— bi urteko kartzela zigorra eskatu du.
2015eko abuztuaren 1ean amaitzen zen Gasteizen Mugitu!-k AHTren kontra antolatutako bizikleta martxa. Martxa komunikatua zen, eta “AHTk biluzik uzten gaitu” lemapean, manifestari batzuk biluztu egin ziren. Udaltzaingoak Mozal Legea aplikatuz isuna jartzearekin mehatxu egin zieten jantzi zitezen; manifestariak janztea erabaki zuten eta martxak jarraitu zuen.
Gutxira baina, Udaltzaingoak martxa eten eta inongo abisurik gabe kargatu egin zuen, lekukoek esan zutenez. Orduantxe eraso egin zion poliziak manifestariari, eta ospitaleko larrialdietara joan behar izan zuen jasotako kolpeengatik.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
Tiroa “ustekabekoa” izan zela adierazi du Eusko Jaurlaritzako Segurtasun Sailak. Batek belaunean zuen zauria eta besteak eskuan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.